ათასობით ესპანელი გულშემატკივარი შეიკრიბა მადრიდში, რათა აღენიშნათ ქალთა ნაკრების გამარჯვება მსოფლიო ჩემპიონატზე.

მიუხედავად გვიანი საათისა და დამღლელი ფრენისა ავსტრალიიდან, გამარჯვებულებმა სიხარული გაუზიარეს გულშემატკივარს დაფრენისთანავე თითქმის მაშინვე.

ფეხბურთელებმა ესპანეთის დედაქალაქში ღია ავტობუსით იმოგზაურეს.

ქუჩები სავსე იყო წითელ მაისურებში გამოწყობილი გულშემატკივრებით, დროშებით აფრიალებული და პლაკატებით, რომლებიც ულოცავდნენ ქალ "წითელ ფურიას".

ინგლისელებთან ფინალში ესპანეთის ნაკრების გამარჯვება მცველმა ოლგა კარმონამ მატჩის 29-ე წუთზე გატანილმა ერთადერთმა გოლმა მოუტანა.

თამაშის დასრულებისთანავე ფეხბურთელმა მამის გარდაცვალების შესახებ შეიტყო. ოჯახი მას ამ ამბებს ბოლო დრომდე მალავდა. მოგვიანებით კარმონამ თქვა: "ეს იყო საუკეთესო და ყველაზე ცუდი დღე ჩემს ცხოვრებაში".

ფეხბურთელები მოედანზე დაახლოებით შუაღამისას მივიდნენ. მადრიდის რიო პარკში მოთამაშეების მოლოდინში გულშემატკივრებს დიჯეი და ადგილობრივი მუსიკოსები უმასპინძლდებოდნენ.

ზეიმი ღამით დასრულდა, როდესაც სცენაზე კონფეტი წვიმდა და მოთამაშეებმა, თანამშრომლებმა და გულშემატკივრებმა ერთად იმღერეს Queen-ის უკვდავი სიმღერა "We are the champions".

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება