ტაივანში ავიაკომპანია „ტრანსაზია ეარვეისის“ კუთვნილი თვითმფრინავის ჩამოვარდნის მიზეზად ძრავის გაუმართაობა სახელდება.

„შავი ყუთის“ შესწავლის შედეგად,  ტაივანის საავიაციო უსაფრთხოების საბჭომ განაცხადა, რომ აფრენიდან 2 წუთში თვითმფრინავის ორივე ძრავა მწყობრიდან გამოვიდა. 

კვლევის შედეგები ცხადყოფს, რომ თვითმფრინავის ეკიპაჟის წევრები ცდილობდნენ ძრავის გადატვირთვას, მაგრამ ყველა ცდა უშედეგოდ დასრულდა. 

შეგახსენებთ, რომ თვითმფრინავი 4 იანვარს  ტაივანის დედაქალაქ ტაიბეისთან ახლოს ჩამოვარდა და მდინარე კილუნგში ჩაიძირა. 

თვითმფრინავის ბორტზე 58 ადამიანი იმყოფებოდა, მათგან 53 მგზავრი და 5 ეკიპაჟის წევრი იყო. 
ავიადისპეჩერმა  ავიაკომპანია "ტრანსაზია ეარვეისის" კუთვნილ თვითმფრინავ ATR-72-თან კავშირი ადგილობრივი დროით 10:55 საათზე დაკარგა. 

ბოლო ინფორმაციით, ავიაკატასტროფის შედეგად 35 ადამიანი გარდაიცვალა, 15 გადარჩა, დანარჩენები კი, ამ დრომდე დაკარგულებად ითვლებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო