ვფიქრობ,  პატრული მთლად  ადეკვატური არ იყო, არ შეიძლება წესების დამრღვევი მოქალაქე ამდენი ალაპარაკო და მისცე უფლება გაგინოს,-ასე გამოეხმაურა საპარლამენტო უმრავლესობის წევრი მანანა კობახიძე პატრულის მიმართ  მოქალაქე ეკა ყურშიტაშვილის ქმედებას.

კობახიძე ყურშიტაშვილის საქციელს ხულიგნობად აფასებს და მიიჩნევს, რომ საქმეში დავით ცინარიძის ჩართულობა გასარკვევია. კობახიძის აზრით, დავით ცინარიძე განცხადებას გააკეთებს და კითხვებს პასუხი გაეცემა.

"ის, რაც ქალბატონს ეხება,  ვიტყოდი, აბსოლუტურად ამორალურია, დაუშვებელია, ეს არის სამართალდარღვევა.  ჩვეულებრივი ხულიგნობაა, როდესაც სამართალდამცავს აგინებ. არ ემორჩილები მის კანონიერ მოთხოვნას. ეს სრულიად დაუშვებელი რამაა.მაგრამ მეორეა, როგორ მოქმედებს პატრული. რა თქმა უნდა, მე  ვფიქრობ, პატრული მთლად ადეკვატური არ იყო ამ შემთხვევაში. არ შეიძლება ამდენი ალაპარაკო და ასე მისცე საშუალება გაგინონ. ეს არ არის სწორი. საქმეში  დავით ცინარიძის ჩართულობა გასარკვევია. ამ ქალბატონმა თქვა, ვიღაცა სხვას ვურეკავდიო და ვიტყუებოდიო და საერთოდ არ ვიცნობო.  გასარკვევია, რას ამბობს ეს ქალბატონი.ფაქტია, რომ პატრული თავის სიმაღლეზე უნდა იდგეს და არ უნდა მისცეს მოქალაქეს საშუალება ასე ილანძღოს და წესები არღვიოს. ამას კონკრეტულად იმ პატრულის სისუსტეში ვთვლი, ვინც  ამ ქალბატონს ამდენის უფლება მისცა. არ აქვს მნიშვნელობა ის ვის ურეკავდა, ის ვალდებულია კანონს დამოერჩილოს და იმოქმედოს კანონიდან გამომდინარე, და არა ვიღაცის ზარებს დაელოდოს.მგონია, რომ ეს ქალბატონი ამას იყენებდა და მან  განაცხადა დღეს,  რომ არ იცნობს საერთოდ ცინარიძეს, მე მგონია, რომ ცინარიძე გააკეთებს განცხადებას და პასუხს გასცემს ამ კითხვებს",-განაცხადა მანანა კობახიძემ გადაცემა "არჩევანში".

ცნობისთვის, „ნაციონალური მოძრაობის“ წევრებმა ჩანაწერები გაავრცელეს, სადაც ყურშიტაშვილი პატრულის თანამშრომლებს უწმაწური სიტყვით მიმართავს და ეუბნება, რომ ის საპატრულო პოლიციის დეპარტამენტის დირექტორის დავით ცინარიძის ახლობელია. 

აღსანიშნავია, რომ ეკა ყურშიტაშვილი სოციალურ ქსელში აღნიშნული ჩანაწერის გავრცელებას ეხმაურება და ამბობს:   „არავის საქმე არაა ვის როგორ ვაგინებ“, შემდეგ კი, „ფეისბუქს“ აუქმებს. ცოტა მოგვიანებით კომენტარს აკეთებს და უარყოფს, რომ იმ მომენტში ის დავით ცინარიძეს ურეკავდა.   

„არანაირ დავით ცინარიძეს არ ვურეკავ. ჩემს მეგობარს ვურეკავდი. სამ თვეში 5500 ლარი გადავიხადე ჯარიმა და დავით ცინარიძეს რომ ვიცნობდე, ამდენ ჯარიმას არ გადავიხდიდი.  გავეღადავე პატრულს. როცა ჭამენ ამნაირი იდიოტი პატრულები, უნდა აჭამო. დავით ცინარიძეს ასი წელი არ დავურეკავ და შეურაცხყოფას არ მივაყენებ, მით უფრო, რომ არც ვიცნობ“, - განაცხადა ეკა ყურშიტაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს