2015-02-23 11:05:26, 1284 ნახვა
მსოფლიო
რუსეთმა პოლონური წარმოების ყველის იმპორტი აკრძალა
რუსეთის მომხმარებელთა უფლებების დაცვისა და სანიტარული ზედამხედველობის ფედერალურმა სამსახურმა 20 თებერვლიდან რუსეთის ტერიტორიაზე პოლონური ყველის შემოტანა აკრძალა.
ამის შესახებ ინფორმაციას „ბი ბი სი“ ავრცელებს.
როგორც სანიტარული ზედამხედველობის ფედერალური სამსახურის ოფიციალურ ვებ-გვერდზეა განმარტებული, აღნიშნული გადაწყვეტილების მიზეზი პოლონური ყველის მწარმოებელი საწარმოს ტექნიკური პირობების შეუსაბამობა გახდა.
შეგახსენებთ, რომ მსგავსი აკრძალვა რუსეთმა 2014 წლის შემოდგომაზე უკრაინული წარმოების ყველზეც დააწესა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
