ჩინეთი რუსეთს სპეციალიზებულ აღჭურვილობას, ხელსაწყოებსა და მოწინავე მოწყობილობებს აწვდის, რომლებიც გამოიყენება ბირთვული ქობინების მატარებელი ჰიპერბგერითი რაკეტების, მათ შორის ორეშნიკის სისტემის წარმოებისთვის. ამის შესახებ The Telegraph იტყობინება უკრაინის დაზვერვის სამსახურზე დაყრდნობით. აღნიშნულია, რომ რუსეთისთვის მიწოდებული ჩინური ტექნოლოგიებისა და აღჭურვილობის საერთო ღირებულება მინიმუმ 10,3 მილიარდ დოლარს შეადგენს.

ჩინური კომპიუტერული კონტროლირებადი დაზგები მნიშვნელოვან როლს თამაშობენ რუსეთის რაკეტების წარმოების გაფართოებაში. უკრაინის დაზვერვამ ვოტკინსკის ქარხანაში აღმოაჩინა ასეთი მანქანა, სადაც იწარმოება ორეშნიკის, ისკანდერ-M-ის და ტოპოლ-M-ის რაკეტები. სტატიის თანახმად, დაზგების გარდა, ჩინეთი რუსეთს ამარაგებს მიკროჩიპებითა და მეხსიერების დაფებით, რომელთა ღირებულება 4,9 მილიარდ დოლარს აღემატება ზუსტი მართვადი რაკეტებისა და სუ-27 და სუ-30 გამანადგურებლებისთვის, ასევე ბურთულიანი საკისრებით, პიეზოელექტრული კრისტალებით რადარებისთვის, ტელესკოპური სამიზნეებითა და საზომი მოწყობილობებით.

ექსპერტები იუწყებიან, რომ მიწოდების მნიშვნელოვანი ნაწილი მესამე ქვეყნების გავლით ხორციელდება, რაც მათ თვალყურის დევნებას ართულებს და რუსეთს საერთაშორისო სანქციების გვერდის ავლის საშუალებას აძლევს. აღსანიშნავია, რომ ომის პირველი სამი წლის განმავლობაში ჩინეთმა მოსკოვს 3.1 მილიარდ დოლარზე მეტი ღირებულების დაზგა-დანადგარები გაუგზავნა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს