4 ოქტომბრის აქციის საქმეზე ერთ-ერთი დაკავებულის, ამირან დოლიშვილის ადვოკატის, მარიამ შათირიშვილის თქმით, მისი დაცვის ქვეშ მყოფი ორბელიანების სასახლის ეზოსთან იმყოფებოდა და შიგნით არ შეჭრილა. ის ასევე ამბობს, რომ სპეცრაზმელმა დაკავების დროს დოლიშვილზე ფიზიკურად იძალადა.

"ჩემი ინფორმაციით, ის შიგნით არ შეჭრილა. ის ადასტურებს, რომ პრეზიდენტის ადმინისტრაციასთან ნამდვილად იმყოფებოდა, თუმცა ეზოს შესასვლელთან.

ამირანი თავის საცხოვრებელ სახლში დააკავეს. იმ დროს სახლში მხოლოდ მისი არასრულწლოვანი, 12 წლის ძმა იმყოფებოდა. დაკავების დროს, ფიზიკურ ძალადობას ჰქონდა ადგილი. ის ამბობს, რომ ერთ-ერთმა სპეცრაზმელმა სახეში საკმაოდ მძიმედ დაარტყა.

როგორც ჩვენთვის ცნობილია, ამ ეტაპზე მხოლოდ მისი ტელეფონია ამოღებული და სხვა დანარჩენს ვერ გეტყვით. მისთვის ბრალი ჯერ არ წარუდგენიათ, შესაბამისად, არ ვიცი, რა ქმედებას შეიძლება ედავებოდნენ". - ამბობს ადვოკატი.

შსს-ს ცნობით, ამ დროისთვის, 4 ოქტომბრის აქციის საქმეზე 46 პირია დაკავებული. 

გამოძიება სისხლის სამართლის კოდექსის 317-ე, 222-ე, 225-ე და 187-ე მუხლებით მიმდინარეობს.

ავტორი: ექსპრესნიუსი,

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო