„კრიზისი შეიძლება ისე გამწვავდეს, რომ ხელისუფლების მხრიდანაც დადგეს ვადამდელი არჩევნების მოთხოვნა. გამორიცხული არაფერი არ არის,“ - ეს ეს განცხადება „თავისუფალი დემოკრატების“ ლიდერმა, ირაკლი ალასანიამ, „რუსთავი 2“-ის ეთერში გააკეთა.

ალასანიას თქმით, ის და მისი გუნდი ხელისუფლებას მოსთხოვენ არსებული სისტემის შეცვლას და ამის მიღწევას საკანონმდებლო ორგანოში და სამოქალაქო აქტივობებით შეეცდებიან.

„თუ ეს არ გამოვიდა, მაშინ ერთადერთი გზა რჩება არჩევნები,“ - განაცხადა ალასანიამ და განმარტა, რომ ის მხარს უჭერს არჩევნების კონსტიტუციურ ვადებში ჩატარებას. თუმცა, მისი თქმით,  არც ის არის გამორიცხული, რომ ვადამდელი არჩევნების  საჭიროებაც დადგეს და ეს უახლოეს პერიოდში გამოჩნდება.    

ალასანია, ფიქრობს, რომ საქართველოში რუსულმა იდეოლოგიამ იმძლავრა.

„თავისუფალი დემოკრატების“ ლიდერს მიაჩნია, რომ ქვეყანაში უსაფრთხოების სამსახურების მუშაობა სუსტია და კონტრდაზვერვითი სამუშაოები არ ხორციელდება.

„მაინტერესებს, რატომ მოხდა ისე, რომ ქვეყანაში არ მუშაობს კონტრდაზვერვა, დასუსტდა უსაფრთხოების სამსახური. მედიაში არსებული ძვრებიც მიუთითებს იმას, რომ რუსული იდეოლოგია მომძლავრდა საქართველოში. ეს იმ ფონზე, როდესაც რუსეთი ცუდ მდგომარეობაშია და მისი ეკონომიკა სუსტდება,“- აცხადებს ალასანია.

ირაკლი ალასანია ფიქრობს, რომ საქართველოს ევროპული მომავალი ქართულ ჯარზეა დამოკიდებული.

„ჯარი, რომელიც საქართველოს დასაცავად მუდმივად მზად არის, მთავარი განმსაზღვრელი ფაქტორია საქართველოს ევროპული მომავლის. მე ვაკვირდები და მომავალშიც დავაკვირდები თავდაცვის სამინისტროში მიმდინარე პროცესებს,“- აცხადებს ირაკლი ალასანია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი