ფრანგული სატირული ჟურნალის Charlie Hebdo-ს გადარჩენილი თანამშრომლები 14 იანვარს გამოცემის ახალ ნომერს მილიონიანი ტირაჟით გამოუშვებენ.
ამის შესახებ ჟურნალის კოლუმნისტმა პატრიკ პელუმ განაცხადა.
"ძალიან გვიმძიმს, ყველანი ვგრძნობთ მწუხარებას და შიშს, თუმცა ახალ ნომერს მაინც გამოვუშვებთ, რადგან სიბრიყვე ვერ გაიმარჯვებს", - განაცხადა პელუმ.
მისივე თქმით, Charlie Hebdo-ს მომდევნო ნომერი 60-ათასიანი ტირაჟის ნაცვლად მილიონიანი ტირაჟით დაიბეჭდება, თუმცა ჩვეული 16 ფურცლის ნაცვლად, მხოლოდ რვაფურცლიანი იქნება.
გამოცემის მომზადებაში Liberation-ის,Canal+-ისა და Le Monde-ს ჟურნალისტები მიიღებენ მონაწილეობას.
შეგახსენებთ, პარიზში ჟურნალ „Charlie Hebdo“-ს რედაქციაზე თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია.
არსებული ინფორმაციით, რედაქციას თავს ორი ნიღბიანი ადამიანი ავტომატებით  დაესხა და იქ მომუშავე პერსონალს ცეცხლი გაუხსნა.
ცნობილია, რომ  ჟურნალ „Charlie Hebdo“-მ ინციდენტამდე ერთი საათით ადრე,  ტვიტერის ოფიციალურ გვერდზე  "ისლამური სახელმწიფოს" ლიდერის აბუ ბაკრ ალ-ბაღდადის კარიკატურა გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო