თბილისის საქალაქო სასამართლოში ზურაბ ჟვანიას საქმეზე ბრალდებულ ექსპერტ ლევან ჩაჩუას პროცესი გაიმართა. დღევანდელ პროცესზე ცხედრების ექსპერტიზის დროს გადაღებული ვიდეომასალა აჩვენეს, რის გამოც სხდომა დაიხურა.

დღესვე ბრალდების მხარის სამი მოწმე დაიკითხა. ერთ-ერთი მათგანი იყო ექსპერტიზის ბიუროს სანიტარი.  

მისი  თქმით, მის მოვალეობაში არ შედიოდა გვამების აღწერილობის გაკეთება, თუმცა მან ზურაბ ჟვანიას ცხედარზე ტუჩთან ახლოს გარკვეული დაზიანებები შეამჩნია.

დღესვე გამომძიებელი გიორგი ლომთაძეც დაკითხეს. მან ჰაკიმ ფაშას სახელით ატვირთული ვიდეო საქმეს დაურთო. ლომთაძის განცხადებით, ვიდეო ექსპერტიზაზე გააგზავნეს და მისი ავთენტურობა დადასტურდა.

გარდა ამისა, დღევანდელ სასამართლო სხდომაზე დაიკითხა ჟვანიას გარდაცვალების პერიოდში საგამოძიებო ჯგუფის ხელმძღვანელი კახა ჭუმბაძეც.  პროცესის მიმდინარეობისას,  გარდავცვლილებისთვის ბალზამირების გაკეთების საკითხზე, ბრალდებულ ლევან ჩაჩუასა და პროკურორ რევაზ ნადოის შორის მცირე შეკამათებაც მოხდა. 

სხდომის დასრულების შემდეგ ბრალდებისა და დაცვის მხარეებმა კომენტარები გააკეთეს:

"დღეს დაიკითხა ერთ-ერთი სანიტარი არჩილ ჭიქაძე, რომელმაც განაცხადა, რომ არც შესაბამისი განათლება, არც შესაბამისი ცოდნა, არც ვალდებულება არ ჰქონდა რომ გვამები დაეთვალიერებინა. ჰაკიმ ფაშასთან მიმართებაში,  ჩვენ დავადგინეთ, რომ ეს ატვირთული იქნა თურქეთის რესპუბლიკიდან. გაგზავნილია შესაბამისი შუამდგომლობა სამართლებრივი დახმარების თაობაზე. სამწუხაროდ, დღეის მდგომარეობით, პასუხი არ არის მიღებული",-აღნიშნა პროკურორმა რევაზ ნადოიმ.

"დადასტურდა, რომ ის ორი ნაჩხვლეტი,  ბალზამიდან გამომდინარე იყო. ჰაკიმ ფაშას მიერ ამოღებული ვიდეომასალა არაფრით არ შეიძლება იყოს კანონიერი,  როგორც არ უნდა იყოს გადაღებული",-განაცხადა ადვოკატმა ზურაბ ტაბიძემ.

ექსპერტ ლევან ჩაჩუას პროცესი, 9 იანვარს ბრალდების მხარის მოწმეების დაკითხვით გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო