ISFED - ხმების პარალელური დათვლის მონაცემების თანახმად, შემაჯამებელი ოქმების 8%-ში მეტობა დაფიქსირდა

2021-01-29 13:39:04, 35365 ნახვა

სამართლიანი არჩევნების განცხადებით, 850 „პივიტი“ უბნის გადათვლის შედეგად, მეტობით დისბალანსი 8%-ს შეადგენს.

ორგანიზაციაში განმარტავენ, რომ საქართველოში დამკვიდრებულია მეტობით დისბალანსის გასწორების მახინჯი პრაქტიკა, რაც ნიშნავს არა გადათვლის საფუძველზე, არამედ ახსნა განმარტებების საფუძველზე დისბალანსების აღმოფხვრას

„ჩვენ გადავწყვიტეთ, რომ ხელახლა გადაგვეთვალა ყველა „პივიტი“უბანი, 850 უბანი, ძალიან დეტალურად სწავლობდა არამარტო პივიტის გუნდი არამედ ისფედის თანამშრომელი, შემიძლია გითხრათ, რომ მეტობით დისბალანსი შეადგენს 8%-ს. საქართველოში დამკვიდრებულია მეტობით დისბალანსის გასწორების მახინჯი პრაქტიკა, რაც ნიშნავს, არა გადათვლის საფუძველზე, არამედ ახსნა განმარტებების საფუძველზე დისბალანსების აღმოფხვრას. მარტო „ისფედმა“ 160 უბანზე მოითხოვა გადათვლა, თუმცა აქედან დაკმაყოფილდა მხოლოდ 16“, - განაცხადეს „სამართლიან არჩევნებში“.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან