საქართველოს თავდაცვის მინისტრის მოადგილე ანა დოლიძე გაცნობითი ხასიათის ვიზიტით საწყისი საბრძოლო მომზადების ცენტრს ეწვია.

თავდაცვის სამინისტროს ინფორმაციით, საწვრთნელ ბაზა „ალგეთში“ მინისტრის მოადგილეს გენერალური შტაბის უფროსის მოადგილე, პოლკოვნიკი რომან ჯოხაძე და წვრთნებისა და სამხედრო განათლების სარდალი, პოლკოვნიკი ლევან ბერია ახლდნენ.

თავდაცვის მინისტრის მოადგილემ საწყისი საბრძოლო მომზადების ბაზის ინფრასტრუქტურა - ყაზარმები, სასადილო და სამუშაო კაბინეტები დაათვალიერა და სამხედრო მოსამსახურეების სამუშაო პირობებს გაეცნო.

ბაზის მეთაურმა სტუმრებს საწყისი საბრძოლო მომზადების ცენტრის შესახებ დეტალური პრეზენტაცია წარუდგინა, რომელიც ცენტრის მოკლე და საშუალოვადიან გეგმებს მოიცავდა. ვიზიტის დასასრულს ანა დოლიძემ საწვრთნელი ბაზა „ალგეთის“ სასროლეთიც დაათვალიერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი