ერევანში მეთხუთმეტედ აიღებს სტარტს საერთაშორისო თეატრალური ფესტივალი HIGH FEST, ( „HIGH FEST International Performing Arts Festival“), სლოგანით „We are 15 years old young“. მასში მონაწილეობას მიიღებს 20 ქვეყანა. დიდი ბრიტანეთი, ბრაზილია, იტალია, ბულგარეთი, პოლონეთი, ისრაელი, გერმანია.  ფესტივალი  1 ოქტომბერს გაიხსნება და 8 ოქტომბრამდე გასტანს.

ფესტივალს გახსნის კ. გამსახურდიას სახელობის სახელმწიფო დრამატული თეატრი სპექტაკლით ხანოხ ლევინის ,,იაკიში და პუპჩე".

აღნიშნული სპექტაკლის პრემიერა შედგა 2017 წლის 21 ივლისს რეგიონული თეატრების ფოთის საერთაშორისო ფესტივალზე, სადაც მას მიენიჭა საქართველოს კულტურისა და ძეგლთა დაცვის სამინისტროს მიერ დაწესებული ფესტივალის მთავარი პრიზი და სამინისტროსთან არსებული სარეკომენდაციო საბჭოს მიერ დასახელებულ იქნა როგორც ფესტივალის საუკეთესო სპექტაკლი. ეს არის პირველი კორპროდუქცია, რომელიც სოხუმისა და ფოთის თეატრების თანამშრომლობით განხორციელდა.

სევდიანი კომედია მახინჯი და ღარიბი იაკიშის შესახებ, რომელსაც ცოლად რთავენ ასევე მახინჯსა და ღარიბ პუპჩეს, ხოლო ქორწინების შემდეგ აღმოაჩენენ, რომ წყვილს ხორციელთათვის წმინდა მცნების „ინაყოფიერეთ და გამრავლდით“, აღსრულება არ შეუძლიათ....

რეჟისურა, სცენოგრაფია და მუსიკალური გაფორმება დავით საყვარელიძის.

ავტორი: ,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია