პოლიციელების მკვლლეობისთვის ბრალდებული შალვა აბულაძე ბრალს არ აღიარებს. ამის შესახებ აბულაძის ადვოკატმა არჩილ ჩუბინიძემ ჟურნალისტებს განუცხადა. ჩუბინიძე  მე-7 დაწესებულებაში იმყოფებოდა, სადაც მის დაცვის ქვეშ მყოფს დაახლოებით, 3 საათის განამვლობაში ესაუბრა. ადვოკატის თქმით, აბულაძე იარაღის ტარების ნაწილში ბრალს აღიარებს, თუმცა აცხადებს, რომ პოლიციელები მას არ მოუკლავს. გარდა ამისა, ადვოკატი აბულაძის მიმართ განხორციელებულ ზეწოლაზეც საუბრობს.
"ბრალდებულმა განაცხადა, რომ მას ეკუთვნის შემთხვევის ადგილიდან დაკავების დროს ამოღებული მაკაროვის სისტემის ფისტოლეტი და ხელყუმბარა. შემთხვევის ადგილზე ამოღებული გლოკის სისტემის ფისტოლეტი არ ეკუთვნის მას, აგრეთვე შალვა აბულაძე აცხადებს, რომ მას პოლიციელების თავდასხმაში, ისევე როგორც ბორჯომში, არც თბილისში, არ მიუღია მონაწილეობა და აღნიშნული მკვლელობები არ არის მის  იერ ჩადენილი. შალვა აბულაძის განცხადებით, პოლიციელების მკვლელი   თავისუფლად დაიარება",-აღნიშნა ადვოკატმა.
ამასთან, ადვოკატი არ ადასტურებს ინფორმაციას,   რომ შალვა აბულაძემ თავად დაურეკა სამართალდამცავებს და ჩაბარდა. მისი თქმით, ეს გადაწყვეტილება მას შემდეგ მიიღო, რაც მიაგნეს და ფანჯრიდან გადმოყარა იარაღი, რომელსაც თან ატარებდა.
ცნობისთვის, შალვა აბულაძეს ორი პოლიციელის სიცოხლის მოსპობა და ცეცხლსასროლი იარაღის მართლსაწინააღმდეგო  შეძენა-შენახვა-ტარება ედება ბრალად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: რატომ გინდათ ყველაფერში ცუდი ეძიოთ? აბასთუმანში თვითმფრინავების გამონაბოლქვი პრობლემას ქმნიდა

სელფი მობაილის ქსელის განახლება: მომხმარებლის კმაყოფილების ზრდა

BOG ქმნის განათლების შესაძლებლობებს AI-ით და ტექნოლოგიებით დაინტერესებული გოგოებისთვის

იმოგზაურე გიორგი მოსიძესთან ერთად აზროვნების სამყაროში - ზუგდიდში შეხვედრა გაიმართება (რ)