თურქეთის პრეზიდენტის რეჯეპ ტაიპ ერდოღანის გადაწყვეტილებით, ბრალის წარდგენის გარეშე დაპატიმრების ვადა 30 დღემდე გახანგრძლივდა, - ამის შესახებ თურქული მედია წერს.

მედია საშუალების ინფორმაციით, ერდოღანმა აღნიშნულ გადაწყვეტილებაზე ხელი უკვე მოაწერა.

ამასთან, თურქეთის პრეზიდენტის განკარგულებით, ქვეყნის მასშტაბით 1 600 საგანმანათლებლო დაწესებულება დაიხურა, აქედან 936 კერძო სკოლაა.

ერდოღანის გადაწყვეტილებით, საქმიანობას შეწყვეტენ ასევე 1 229 საქველმოქმედო საზოგადოება და ფონდი, 35 სამედიცინო დაწესებულება, 19 პროფკავშირი, ფედერაცია და კონფედერაცია, ასევე 15 კერძო უმაღლესი სასწავლებელი.

როგორც დასავლური მედია აღნიშნავს, თურქეთში გამოცხადებული საგანგებო მდგომარეობის რეჟიმი უფლებას აძლევს პრეზიდენტსა და მთავრობას, ახალი კანონები პარლამენტის თანხმობის გარეშე მიიღოს.

ერდოღანი ასევე, სიკვდილით დასჯის კანონის შემორებაზე მსჯელობს.

შეგახსენებთ, რომ თურქეთში სამხედრო გადატრიალების მცდელობა იყო, რასაც 290-ზე მეტი ადამიანი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი