აშშ-ის პრეზიდენტმა ბარაკ ობამამ ავღანეთში ამერიკული სამხედრო კონტინგენტის შესაძლებლობების გაფართოების გადაწყვეტილება მიიღო, - ამის შესახებ სააგენტო Reuters პენტაგონსი ანონიმურ წყაროზე დაყრდნობით იუწყება.

მედიის ცნობით, აღნიშნული გადაწყვეტილება ბარაკ ობამამ “თალიბანის” წინააღმდეგ ბრძოლაში ავღანეთის ძალების დასახმარებლად მიიღო.

როგორც Reuters წერს, უფლებამოსილების გაზრდის შედეგად შესაძლოა, ავღანეთში ამერიკული ავიაციის უფრო აქტიური გამოყენება მოხდეს. თეთრი სახლის ამ გეგმებს ავღანური ძალების წარუმატებლობას უკავშირებენ. აღსანიშნავია, რომ ბოლო პერიოდში "თალიბებმა" ქვეყნის სამხრეთ ნაწილში რამდენიმე რაიონი დაიკავეს.

ამასთან, მედია საშუალების ინფორმაციით, ავღანეთში დისლოცირებული ამერიკელი სამხედროები საბრძოლო მოქმედებებში უშუალო მონაწილეობას კვლავ არ მიიღებენ.

შეგახსენებთ, რომ ავღანეთიდან ნატო-ს ძირითადი კონტინგენტი 2014 წლის ბოლოს გაიყვანეს. თუმცა ქვეყანაში “მტკიცე მხარდაჭერის” მისიის ფარგლებში ამ დრომდე დაახლოებით 12 ათასი ამერიკელი სამხედრო რჩება, ასევე ნატო-ს სხვა წევრი და პარტნიორი ქვეყნების ჯარისკაცები, მათ შორის ქართველი სამხედროებიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპას დაახლოებით ექვსი კვირის საავიაციო საწვავის მარაგი აქვს დარჩენილი

ლონდონის „არსენალისა“ და ავსტრიის ნაკრების ყოფილი მეკარე ალექს მენინგერი ავტოკატასტროფაში დაიღუპა

ტრამპმა ისრაელსა და ლიბანს შორის საომარი მოქმედებების 10-დღიანი შეჩერების შესახებ განაცხადა

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო