პოლონეთისა და სომხეთის საგარეო საქმეთა სამინისტროებმა რუსეთის საელჩოებს საპროტესტო ნოტები გაუგზავნეს.

სომხეთის საგარეო საქმეთა სამინისტრომ ნოტაში „მკაცრი პროტესტი“ გამოთქვა რუსულ მედიაში სომხეთის მთავრობის წინააღმდეგ „ღიად არამეგობრული და ზოგჯერ მტრული პროპაგანდის“ გამო.

„ეს პროპაგანდა არა მხოლოდ აბსურდულია - ბოლოს და ბოლოს, გაურკვეველია, თუ როგორ და რატომ შეიძლება სახელმწიფო გადატრიალების თავიდან აცილება არამეგობრულ ნაბიჯად ჩაითვალოს - არამედ წარმოადგენს სომხეთის შიდა საქმეებში უხეშ ჩარევას“, - განაცხადა საგარეო საქმეთა სამინისტრომ Radar Armenia-ს მოთხოვნის საპასუხოდ.

მათ ასევე განაცხადეს, რომ „რუსეთის ფედერაციის სახელმწიფო დუმის ცალკეული დეპუტატების კომენტარები და განცხადებები სომხეთის სამართალდამცავი ორგანოების მიერ სახელმწიფო გადატრიალების მცდელობის თავიდან ასაცილებლად გატარებული სამართლებრივი ქმედებების შესახებ არა მხოლოდ გაოცებას, არამედ აღშფოთებასაც იწვევს“.

პოლონეთის საგარეო საქმეთა სამინისტრომ რუსეთის საელჩოს საპროტესტო ნოტა გაუგზავნა, რომელშიც დაგმობილია უკრაინის მშვიდობიან მოსახლეობაზე თავდასხმები. დეპარტამენტმა აღნიშნა, რომ თავდასხმამ უკრაინაში პოლონეთის საელჩოს შენობა დააზიანა და ხაზგასმით აღნიშნა, რომ ეს ეწინააღმდეგება საერთაშორისო სამართალს, კერძოდ, 1961 წლის ვენის კონვენციას.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო