სტატისტიკის ეროვნული სამსახურის მონაცემებით, 2025 წლის ივნისში, წინა თვესთან შედარებით საქართველოში ინფლაციის დონემ -0.01% შეადგინა, ხოლო წლიური ინფლაციის დონემ 4%.

საქსტატის ცნობითვე, სურსათისა და უალკოჰოლო სასმელების ჯგუფზე, წინა წელთან შედარებით, ფასები 10.1%-ით გაიზარდა, რაც წლიურ ინფლაციაზე 3.34%-ით აისახა, მათ შორის ფასებმა მოიმატა შემდეგ ქვეჯგუფებზე:

• ბოსტნეული და ბაღჩეული - 26.3%;
• ზეთი და ცხიმი - 20.6%;
• ყავა, ჩაი და კაკაო - 15.4%;
• მინერალური და წყაროს წყალი, უალკოჰოლო სასმელები და ნატურალური წვენები - 10.3%;
• პური და პურპროდუქტები - 9.6%;
• შაქარი, ჯემი და სხვა ტკბილეული - 8.7%;
• თევზეული - 7.9%;
• რძე, ყველი და კვერცხი - 7.1%;
• ხორცი და ხორცის პროდუქტები - 3.6%;
• ხილი და ყურძენი - 2.7%.

ჯანმრთელობის დაცვა 9.4%-ით გაძვირდა, ფასები გაიზარდა ამბულატორიული სამედიცინო მომსახურების - 10.4%, საავადმყოფოების მომსახურების - 9.2% და სამედიცინო პროდუქციის, აპარატურის და მოწყობილობის - 8.4% ქვეჯგუფებზე.

ბოლო ერთ წელიწადში გაძვირდა:

• სურსათი და უალკოჰოლო სასმელები - 10.1%
• ჯანმრთელობის დაცვა - 9.4%
• სხვადასხვა საქონელი და მომსახურება - 6.7%
• სასტუმროები, კაფეები და რესტორნები - 6%
• ალკოჰოლური სასმელები, თამბაქო - 4.6% განათლება - 4.6%
• საცხოვრებელი, წყალი, ელ.ენერგია, აირი - 1%

ბოლო ერთ წელიწადში გაიაფდა:

• კავშირგაბმულობა 13%
• ტრანსპორტი 5.3%
• ავეჯი, საოჯახო ნივთები, სახლის მოვლა 1.4%
• ტანსაცმელი და ფეხსაცმელი 0.8%
• დასვენება, გართობა და კულტურა 0.5%

ქვემოც მოცემულ გრაფიკზე აღნიშნულია ინფლაციის მაჩვენებელი 2025 წლის მაისთან შედარებით: 

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო