რუსებმა უკრაინას Shahed-ისა და სხვა ტიპის 138 უპილოტო საფრენი აპარატით შეუტიეს, უკრაინელებმა 125 დრონი გაანეიტრალეს, - ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

მათივე ინფორმაციით, დარტყმები 10 ლოკაციაზე დაფიქსირდა, ჩამოგდებული სამიზნეების ნამსხვრევები კი რვა ადგილას დაეცა.

რუსებმა შეტევა ბრიანსკის, კურსკის, ორიოლისა და შატალოვოს მიმართულებებიდან განახორციელეს. თავდასხმის მთავარი მიმართულება დონეცკის რეგიონი იყო.

უკრაინული მედიის ცნობით, 16 ივნისის ღამეს კიევზე თავდასხმის შედეგად ორი ადამიანი დაშავდა.

ჩერკასის ოლქში ჩამოგდებული საჰაერო სამიზნეების ნამსხვრევებმა საცხოვრებელი შენობები, ავტოფარეხი და გაზსადენი დააზიანა, ერთ-ერთი სოფლის ნაწილი კი ელექტროენერგიის გარეშე დარჩა.

ზაპოროჟიეში, თავდასხმის შედეგად, სამრეწველო ქარხანაში ხანძარი გაჩნდა. ამ დროისთვის არსებული მონაცემებით, არავინ დაშავებულა.

დრონებით თავდასხმის გარდა, რუსებმა დონეცკის ოლქი არტილერიით დაბომბეს, რის შედეგადაც ექვსი ადამიანი დაიღუპა, ოთხი კი დაშავდა. ოლქში მნიშვნელოვანი ზიანი დაფიქსირდა: განადგურდა და დაზიანდა კერძო და მრავალსართულიანი სახლები, მაღაზია, ორი საწარმო, გაზსადენი, საწყობები, სათბურები და ტექნიკა.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია