უკრაინის ხელისუფლების ცნობით, რუსულმა არმიამ „შაჰედის“ ტიპის დრონებით მიიტანა იერიში ქალაქ ნიკოლაევზე. დაზიანდა ხუთი მრავალსართულიანი სახლი. შედეგად გაჩნდა ხანძარი. როგორც ცნობილია, დაშავდა, სულ მცირე, ერთი ადამიანი.

ნიკოლაევის მერმა, ალექსანდრე სენკევიჩმა თავის ტელეგრამ არხზე დაწერა, რომ დრონებით დარტყმა განხორციელდა „კრიტიკული ინფრასტრუქტურის ობიექტზე“, რის შედეგადაც ბევრი სახლი გათბობის გარეშე დარჩა. მიმდინარეობს სარემონტო სამუშაოები.

ასევე, დრონების თავდასხმა მოხდა კიევსა და მის შემოგარენზე. საჰაერო განგაში ხუთ საათზე მეტხანს გრძელდებოდა. ბორისპოლში დრონის დარტყმის შედეგად საწყობის შენობაში ხანძარი გაჩნდა. ბროვარის რაიონში დარტყმის ტალღამ დააზიანა ექვსი კერძო საცხოვრებელი სახლი. დაშავებულები არ არიან.

უკრაინის საჰაერო ძალების სარდლობის ცნობით, ღამის განმავლობაში ქვეყნის ტერიტორიაზე შემჩნეული იყო 143 საბრძოლო დრონი. მათგან 95 ჩამოგდეს საჰაერო თავდაცვის საშუალებებით. დაზარალდა კიევის, ნიკოლაევის, სუმისა და ოდესის ოლქები.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი