ხიდაშელი: გასულ კვირას გამოქვეყნებულ ფარულ ჩანაწერზე პასუხისმგებლობა ხელისუფლებას ეკისრება

2016-09-22 19:41:16, 1065 ნახვა

კომენტარი

"რესპუბლიკური პარტიის" მაჟორიტარობის კანდიდატის, თინა ხიდაშელის განცხადებით, გასულ კვირას გამოქვეყნებულ ფარულ ჩანაწერზე პასუხისმგებლობა ხელისუფლებას ეკისრება.

როგორც ხიდაშელმა აღნიშნა, გამოძიება მტკიცებულებებზე დაყრდნობით უნდა ჩატარდეს.

"იმის მიუხედავად, ვინ ვის რას დააბრალებს, ნიკა გვარამიას დააბრალებენ, რომ მან თავად დადო ჩანაწერი, თუ გვარამია იტყვის, რომ ხელისუფლებამ დადო ჩანაწერი ამით მთავარი არ იცვლება, ის რომ სატელევიზიო სივრცეში 2 ადამიანის კერძო ლაპარაკი გამოქვეყნდა. ასეთი ტიპის საქმეებზე ყოველთვის პასუხისმგებელია სახელმწიფო ვიდრე ის არ დადებს დასკვნას, რომელიც არავისში ეჭვებს არ აღძრავს. სახელმწიფო ვალდებულია ამომწურავი პასუხი გასცეს ყველა კითხვას. დაუმტკიცონ ნიკა გვარამიას, რომ მან ატვირთა ჩანაწერი. არ შეიძლება ხელისუფლება გელაპარაკებოდეს ზეპირად, როდესაც მას ხელში უჭირავს გამოძიების ყველა საშუალება", - განაცხადა ხიდაშელმა.

შეგახსენებთ, რომ 1 კვირის წინ გავრცელდა პაატა ბურჭულაძის და ნიკა გვარამიას სატელეფონო ჩანაწერი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან