„პროვოკაციებზე საპასუხოდ, დონალდ ტუსკის ერთ-ერთი მთავარი გზავნილი იყო „არ გადააჭარბოთ რეაქციაშიო“,-ამის შესახებ საქართველოს თავდაცვის მინისტრმა თინა ხიდაშელმა ჟურნალისტებს პრეზიდენტის სასახლეში განუცხადა, სადაც ევროკავშირის  მისიის ეგიდით ცენტრალური აფრიკის  რესპუბლიკაში  საქართველოს სამშვიდობო კონტიგენტთან  შეხვედრა გაიმართა.
მისივე თქმით, ტუსკის განცხადებები ადასტურებს  იმას, რომ ქართული სახელმწიფოს მიერ არჩეული სტრატეგიული მოთმინების პოლიტიკა სწორია.
„მთავარი მადლობა, რაც ჩვენ მათგან გვესმის ამ პროვოკაციებზე საქართველოს პასუხად არის ის, რომ ემოციებს არ ვყვებით და ძალიან პრაგმატული პასუხი გვაქვს რუსეთის პროვოკაციულ ქმედებებზე. ტუსკმა ასეთი ფრაზაც კი იხმარა - „არ გადააჭარბოთ რეაქციაშიო“. მე ვფიქრობ ეს იყო ერთ-ერთი მთავარი გზავნილი მისი მხრიდან, პასუხი იმ პროვოკაციებზე, რომლის წინაშეც ქვეყანა დგას პრინციპში 7 წელია და ამ ბოლო ერთი კვირის განმავლობაში ეს რამდენჯერმე იყო სახეზე. ჩემი აზრით, ყოველი წინადადება, რომელიც ჩვენ პრეზიდენტ ტუსკისგან მოვისმინეთ, მრავალგზის დადასტურება იყო იმისა, რომ ქართული სახელმწიფოს მიერ არჩეული სტრატეგიული მოთმინების პოლიტიკა არის ყველაზე უფრო სწორი არჩევანი და ევროკავშირი საქართველოს მხარში უდგას ამ პოლიტიკის თანმიმდევრულად განხორციელებაში“,-განაცხადა თინა ხიდაელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია