შინაგან საქმეთა მინისტრის ვახტანგ გომელაურის განცხადებით, ქვეყანაში სამართალდამცავები კანონიერ ქურდებს აკავებენ,თუმცა ამის აფიშირება არ ხდება. 
„კანონიერი ქურდების დაკავება მოხდა აჭარაში, თბილისში, თუმცა არ გამოვდივართ და ამას ტელევიზიით არ ვსაუბრობთ. არ ხდება ამის რეკლამირება. თუმცა, ვმუშაობთ“, – აღნიშნა მინისტრმა. 
აქვე გომელაური, გაერთიანებული კომიტეტების სხდომაზე საპარლამენტო უმცირესობების შეფასებას, კრიმინოგენული სიტუაციის გაუარესებათან დაკავშირებით, გამოეხმაურა და აღნიშნა, რომ ქვეყანაში, კრიმინალი ხან იმატებს, ხან იკლებს, თუმცა, სიტუაცია, გამძაფრებული არ არის. 
„ნათქვამია, რომ კრიმინოგენული სიტუაცია გამძაფრებულია, მე ამაზე ვერ დაგეთანხმებით. ჩვენ ევროკავშირთან გვქონდა თანამშრომლობა და მათი დახმარებით დავდეთ სტატისტიკა, რომელიც ყველასთვის ხელმისაწვდომია. არ ვამბობ, რომ სულ იკლებს, ხან არის მკვლელობის, ხან წვრილმანი ქურდობს მატება, ხან არის კლება. ჩვეულებრივი თემაა.  ხან ხდება მკვლელობა... შსს  არსებობს იმისთვის, რომ დანაშაული აღვკვეთოთ,  თუ ყველაფერი იდეალურად იქნება, ალბათ გავაუქმებდით შსს–ს.  ვერ ვიტყვი, რომ 2012 წლიდან იმატებს კრიმინალი და დაიქცა ყველაფერი, პირიქით, კლება იყო“, – აღნიშნა ვახტანგ გომელაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი