ოკუპირებული გალის რაიონში ე.წ. ბინადრობის მოწმობების გაცემა დაიწყო - ამის შესახებ oc-media იუწყება.

მედია საშუალების ინფორმაციით, "მოწმობის" მიღება იმ პირებს შეეძლება, ვინც ოკუპირებულ რეგიონში 1999 წლიდან ან სულ მცირე 10 წლის განმავლობაში ცხოვრობს.

როგორც მედია წერს, ყველა, ვისაც საქართველოს მოქალაქის პასპორტი აქვს, სწორედ ე.წ. ბინადრობის მოწმობას მიიღებს, რომლითაც ენგურის გავლით მიმოსვლას თავისუფლად შეძლებს. ამასთან, ე.წ. დოკუმენტის მფლობელების დე-ფაქტო არჩევნებში მონაწილეობის უფლება არ აქვთ და ვერ იღებენ პენსიებს. ე.წ. არჩევნებში მხოლოდ ის მოსახლეობა იღებს მონაწილეობას, ვისაც ე.წ. აფხაზური პასპორტი აქვს. 

გარდა ამისა, მედიის ცნობით, 2015 წელს ოკუპირებული აფხაზეთის ხელისუფლებამ გალის ადმინისტრაციის წინააღმდეგ ე.წ. გამოძიება დაიწყო. გამოძიების მიზეზი კი, არალეგალური "პარპორტების" გაცემა გახდა. დე-ფაქტო რესპუბლიკის ე.წ. კანონმდებლობის თანახმად, პირი, რომელსაც ადგილობრივი "პასპორტის" მირება სურს, არ უნდა იყოს საქართველოს მოქალაქე. ამასთან, 2016 წელს "გამოძიებამ" დაადგინა რომ 2007-2014 წლებში გალის  ადმინისტრაციამ 14 988 "პასპორტი არაკანონიერად გასცა", რადგან მიმღები პირები ასევე საქართველოს მოქალაქეები იყვნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო