2015-04-22 09:48:17, 551 ნახვა
საზოგადოება
მახუნცეთის თემში უფასო სამედიცინო აქცია ჩატარდება
მახუნცეთის თემში „ბათუმის N1 პოლიკლინიკის“ ექიმები უფასო სამედიცინო აქციას ჩაატარებენ.
აჭარის ჯანდაცვის სამინისტროს ინფორმაციით, აქციის ფარგლებში ადგილობრივ მოსახლეობას საშუალება ეძლევა მიიღოს ენდოკრინოლოგის, უროლოგის, ლარინგოლოგის, ოფთალმოლოგის, ალერგოლოგის, ნევროპათოლოგის, კარდიოლოგის, და ექოსკოპისტის კონსულტაცია. ასევე ჩატარდება რამდენიმე სახის სამედიცინო კვლევა.
აქცია, „ქ. ბათუმის N1 პოლიკლინიკის“ ინიციატივით და აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს და ქედის მუნიციპალიტეტის მხარდაჭერით გაიმართება.
ბოლო ორი თვის განმავლობაში აჭარის სხვადასხვა მუნიციპალიტეტში 5 უფასო სამედიცინო აქცია ჩატრდა. „ქ. ბათუმის N1 პოლიკლინიკის“ ექიმებმა მსგავსი აქცია 27 მარტს ცხმორისის თემში ჩაატარეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
