საქართველოს თავდაცვის მინისტრის პირველმა მოადგილემ ლელა ჩიქოვანმა ფინეთის რესპუბლიკის თავდაცვის ატაშეს, პოლკოვნიკ იუსსი ვოუტილაინენს უმასპინძლა. ორმხრივი შეხვედრა საქართველოს თავდაცვის სამინისტროში გაიმართა.

შეხვედრაზე ორ ქვეყანას შორის თავდაცვის სფეროში არსებული და სამომავლო თანამშრომლობის საკითხები განიხილეს. პოლკოვნიკ იუსსი ვოუტილაინენსთან შეხვედრისას საუბარი შეეხო ფინეთის შეიარაღებულ ძალებში გატარებული რეფორმების კუთხით გამოცდილების გაზიარებასაც. ლელა ჩიქოვანმა ფინეთში საქართველოს თავდაცვის მინისტრის მომავალ ვიზიტზე გაამახვილა ყურადღება და აღნიშნა, რომ მსგავსი სახის მაღალი დონის ვიზიტები სამხედრო თანამშრომლობის განმტკიცებისათვის კარგი შესაძლებლობაა.

ლელა ჩიქოვანმა სტუმარს თავდაცვის სამინისტროში დაგეგმილი რეფორმებიც გააცნო და სამომავლოდ უფრო მჭიდრო თანამშრომლობის სურვილი გამოთქვა. შეხვედრაზე მხარეებმა რეგიონში არსებულ უსაფრთხოების გარემოზე, კიბერუსაფრთხოების სფეროს, რეზერვისა და მობილიზაციის საკითხებზეც ისაუბრეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა