თურქეთის პრემიერ-მინისტრი ბინალი ილდირიმი გახდა. ინფორმაციას  Reuters ავრცელებს. მათივე ცნობით, ახალ პრემიერსა და  მინისტრთა კაბინეტს პარლამენტმა ნდობა  315 ხმით, 138-ის წინააღმდეგ გამოუცხადა. 

შეგახსენებთ, დავუთოღლუს მიერ თანამდებობის დატოვების შესახებ ინფორმაცია მას შემდეგ გავრცელდა, რაც პრემიერსა და პრეზიდენტ ერდოღანს შორის საათ-ნახევრიანი შეხვედრა გაიმართა, რომელსაც წინ უძღვოდა რამდენიმეკვირიანი დაძაბული ურთიერთობები. Reuters-ის ინფორმაციით, აჰმეთ დავუთოღლუ მხარს არ უჭერს რეჯეპ ტაიპ ერდოღანის გეგმას, რომელიც  პარლამენტის უფლებამოსილების შემცირებასა და პრეზიდენტის უფლებამოსილების გაზრდას ითვალისწინებს.
 დავუთოღლუ თურქეთის პრემიერის პოსტს 2014 წლის შემდეგ იკავებს, მას შემდეგ რაც ერდოღანმა პრეზიდენტის თანამდებობა დაიკავა. თუმცა, ეს ორი მაღალჩინოსანი 2015 წლის ივნისის არჩევნების შემდეგ გარკვეულ საკითხებზე ვეღარ თანხმდებიან. აღსანიშნავია, რომ ევროკომისია ევროკავშირისა და თურქეთის შეთანხმებაში დავუთოღლუს მიიჩნევს პარტნიორად. დავუთოღლუს თანამდებობიდან წასვლა კი ევროპული მედიის ცნობით, თურქეთისთვის ვიზალიბერალიზაციის მინიჭების პროცესისთვის კარგი ნიშანი არ იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო