ბრიუსელის ტერაქტებში გარდაცვლილთა რიცხვი 35-მდე გაიზარდა, - ამის შესახებ ადგილობრივი მედია ბელგიის ჯანდაცვის მინისტრზე, მაგი დე ბლოკზე დაყრდნობით იტყობინება.

როგორც ჯანდაცვის სამინისტროში აცხადებენ, საავადმყოფოში გადაყვანილი დაშავებულებიდან 4 პირი გარდაიცვალა. 

ადგილობრივი მედიის ცნობით, ამ ეტაპზე დაზუსტებული ინფორმაციით სულ 35 ადამიანია გარდაცვლილი, რომელთა შორის 3 თვითმკვლელი ტერორისტი არ შედის. მათივე ინფორმაციით, გარდაცვლილთა ეროვნება და პირადი ინფორმაცია ჯერ უცნობია.

შეგახსენებთ, რომ 22 მარტს ბრიუსელის აეროპორტში 2 აფეთქება მოხდა. 1 საათის შემდეგ აფეთქება მეტროსადგურ "მალბეკზე" განხორციელდა. ამ დრომდე ვრცელდებოდა ინფორმაცია, რომ ტერაქტების სერიას 31 ადამიანის სიცოცხლე შეეწერა, 270-ზე მეტი კი დაშავდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტომ კრუზი დაბრუნდება „ტოპ გან 3“-ში

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ