თურქეთის დედაქალაქ ანკარაში ათასობით ადამიანი ქუჩაში გამოვიდა და პრეზიდენტ რეჯეპ ტაიპ ერდოღანის გადადგომა მოითხოვა. პროტესტის მიზეზი ოპოზიციური „თურქეთის სახალხო რესპუბლიკური პარტიის“ (CHP) წინააღმდეგ მიმართული, როგორც აქტივისტები ამტკიცებენ, პოლიტიკურად მოტივირებული სამართლებრივი დევნაა.

მრავალათასიანი დემონსტრაცია 14 სექტემბერს გაიმართა, რითაც მონაწილეებმა მხარდაჭერა გამოუცხადეს პარტიას სასამართლო სხდომის წინ. დღეს, 15 სექტემბერს, სასამართლო განიხილავს „რესპუბლიკური სახალხო პარტიის“ 2023 წლის ნოემბრის ყრილობის კანონიერებას, რომელზეც პარტიის თავმჯდომარედ ოზგურ ოზელი აირჩიეს. თუ სასამართლო ყრილობას უკანონოდ გამოაცხადებს, ოზელი შესაძლოა თანამდებობიდან გადააყენონ.

აქციაზე სიტყვით გამოსვლისას ოზგურ ოზელმა განაცხადა, რომ ხელისუფლება ცდილობს, დემოკრატიული ნორმების დარღვევით დარჩეს სათავეში და ჩაახშოს განსხვავებული აზრი. მისი თქმით, ეს პროცესი განსაკუთრებით გააქტიურდა ოპოზიციის მიერ ბოლო ადგილობრივ არჩევნებში მოპოვებული გამარჯვებების შემდეგ.

„როიტერის“ ინფორმაციით, ბოლო ერთი წლის განმავლობაში, ოპოზიციური პარტიის 500-ზე მეტი წევრი დააკავეს, მათ შორის 17 მერი.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო