2020-05-04 21:32:53, 16644 ნახვა
ომი უკრაინაში
დღეს კორონავირუსზე ათობით ტესტი აიღეს, რომლის პასუხიები ხვალ იქნება ცნობილი
ზუგდიდის ინფექციური საავადმყოფოს ლაბორატორიაში „კოვიდ-19“-ზე 135 პაციენტის პისიარ ტექნოლოგიით კვლევა მიმდინარეობს. ამის შესახებ ინფორმაციას კლინიკის პრესსამსახური ავრცელებს.
მათივე ინფორმაციით, გამოსაკვლევ პაციენტებს შორის 119 მედიკოსია.
ბოჭორიშვილის კლინიკაში 14 პაციენტის ტესტირების პასუხს ელოდებიან, კიდევ შვიდ პაციენტს კი ხვალ გამოიკვლევენ, კლინიკის ბოქსირებულ განყოფილებაში სულ 84 პაციენტია, მათგან 67 დადასტურებული კორონავირუსული ინფექციით.
ამასთან, ცნობილი გახდა, რომ ლუგარის ლაბორატორიისა და ბოლნისის საზოგადოებრივი ჯანდაცვის ცენტრის ეპიდემიოლოგებმა სოფელ მუშევანში დადასტურებული შემთხვევების კონტაქტებიდან ბიოლოგიური ნიმუშები აიღეს, რაზეც ლაბორატორიული კვლევა ჩატარდება.
საზოგადოებრივი ჯანდაცვის ბოლნისის ცენტრის ხელმძღვანელის, მაკა მამარდაშვილის განცხადებით, კორონავირუსით ინფიცირებულთა 74 კონტაქტის ნიმუშს შეისწავლიან.
ავტორი: ექსპრესნიუსი,
epn.ge (@expressnews.ge)
