გიორგი ანწუხელიძის სახელობის სერჟანტთა მომზადების ცენტრში ათეულის 28-ე ძირითადი სასწავლო კურსი მიმდინარეობს.

თავდაცვის სამინისტროს ინფორმაციით, დღეს, კურსის მონაწილეები ფსიქოლოგიურ ტრენინგს დაესწრნენ.

საქართველოს შეიარაღებული ძალების გენერალური შტაბის J-1 პირადი შემადგენლობის დეპარტამენტის ჯარების მორალურ-ფსიქოლოგიური სამმართველოს ფსიქოლოგებმა კურსის მონაწილეებს ეფექტური კომუნიკაციის, კონფლიქტების მართვის, სუიციდის პრევენციის, ლიდერობისა და ჯგუფის მართვის საკითხებზე ლექცია-სემინარი ჩაუტარეს.

ტრენინგის მიზანს მსმენელებისთვის თეორიული ცოდნის გაღრმავებასა და პრაქტიკული უნარების განვითარებაში დახმარება წარმოადგენს. სერჟანტთა ძირითადი სასწავლო კურსის განმავლობაში ფსიქოლოგიის საკითხებზე მსგავსი ტრენინგები კიდევ გაიმართება. კურსი ორ ფაზად ტარდება და საველე და საკლასო მეცადინეობებს მოიცავს. ძირითადი სასწავლო კურსის მსმენელები 12 კვირის განმავლობაში საჯარისო ტაქტიკას, საცეცხლე, სამწყობრო მომზადებას შეისწავლიან და პირველადი სამედიცინო დახმარების აღმოჩენის ხერხებს, ასევე, კავშირგაბმულობის ელემენტებს დაეუფლებიან. სამხედრო მოსამსახურეები ეტაპობრივად ფსიქოლოგიის, ისტორიის, ლიდერიზმისა და ქვედანაყოფის მართვის პროცედურების საკითხებზე ლექცია-სემინარებსაც ისმენენ. კურსის მსმენელები საქართველოს შეიარაღებული ძალების ქვედანაყოფების სერჟანტები არიან, რომლებიც მოგვიანებით თავიანთ ქვედანაყოფებს დაუბრუნდებიან. ძირითად სასწავლო კურსში 204 სამხედრო მოსამსახურე მონაწილეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია