ჟურნალისტი ვიქტორია როშჩინა 19 სექტემბერს გარდაიცვალა. როგორც გრატი წერს, წერილში, რომელიც რუსეთის თავდაცვის სამინისტრომ მამას გაუგზავნა, გარდაცვალების თარიღია მითითებული. წერილი 2 ოქტომბრით თარიღდება, თუმცა ჟურნალისტის მამამ მისი გარდაცვალების შესახებ მხოლოდ დღეს შეიტყო.

მოკლე წერილში ნათქვამია, რომ როშჩინას ცხედარი დაუბრუნდება „უკრაინულ მხარეს დაკავებულთა ცხედრების გაცვლის ფარგლებში“. გარდაცვალების გარემოებებისა და მიზეზების შესახებ ინფორმაცია არ ვრცელდება. მანამდე, GUR-ის წარმომადგენელმა ანდრეი იუსოვმა თქვა, რომ იგი პატიმართა ერთ-ერთ მომდევნო გაცვლაში უნდა ყოფილიყო ჩართული და ამისთვის იგი ტაგანროგიდან მოსკოვში გადაიყვანეს. ვიქტორიას გარდაცვალების შესახებ ინფორმაცია სამხედრო ტყვეთა მოპყრობის საკოორდინაციო შტაბის პრესსამსახურის ხელმძღვანელმა პიოტრ იაცენკომ დაადასტურა.

უკრაინაში რუსეთის შემოჭრის დაწყებიდან როშჩინა ფრონტზე მუშაობდა როგორც სამხედრო ჟურნალისტი. ის ის ქვეყნდებოდა გამოცემა "ჰრომადსკაში, რადიო თავისუფლებასა და სხვა მედიაში. 2022 წლის გაზაფხულზე იგი დააკავეს FSB-ს ოფიცრებმა, მაგრამ შემდეგ გაათავისუფლეს. გათავისუფლების პერიოდში მან მიიღო IWMF-ის ჟურნალისტიკის გამბედაობის ჯილდო.

2023 წლის აგვისტოში ჟურნალისტი კვლავ გაუჩინარდა რუსეთის მიერ ოკუპირებული უკრაინის ტერიტორიიდან, როდესაც ჟურნალისტი სტატიას ამზადებდა  "უკრაინსკა პრავდასთვის". მხოლოდ 2024 წლის 28 მაისს, მამის მოთხოვნის საპასუხოდ, რუსეთის თავდაცვის სამინისტრომ პირველად დაადასტურა, რომ როჩინა ტყვედ აიყვანეს.

ავტორი: ექსპრესნიუსი,

სოციალური ქსელები

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს