ყოფილი პრემიერის ბიძინა ივანიშვილის შეფასებით, ლარის გაუფასურება დოლართან მიმართებაში საზოგადოებას „ტვირთად არ აწევს“.

ამის შესახებ ივანიშვილმა „იმედის“ ეთერში განაცხადა.

„ლარი მოგონილი თემაა და არავითარ ტვირთად არ აწევს ეს საზოგადოებას. „რუსთავი 2“ აგიტაციას ეწევა.  ეს ფასებზე არ ასახულა, არაფერი განსაკუთრებული არ ხდება, გარდა კარგისა.  ლარი აჩვენებს სწორედ, რომ ეს ცოცხალი და ჯანმრთელი ორგანიზმია. რაც ხდება გლობალურ პოლიტიკაში და ზოგადად მსოფლიოში ეკონომიკაში, რა თქმა უნდა ის საქართველოზეც აისახება“, – განაცხადა ივანიშვილმა.

რაც შეეხება საქართველოს მოქალაქეებს, რომლებსაც საბანკო ვალდებულება დოლარში აქვთ, ივანიშვილის თქმით, მოსახლეობა თუ ვერ ერკვევა კაპიტალი დოლარში დააბანდოს თუ ლარში, სპეციალისტი უნდა დაიქირავოს.

„ეკონომიკა, ბიზნესი ეს რთული მექანიზმია, მას ცოდნა და ალღო უნდა.  ასე ადვილი არ არის, სად დააბანდო შენი კაპიტალი, დოლარში, ლარში, თუ ევროში. ეს არის ბიზნეს  პროცესი  და მოსახლეობაც ამ პროცესში უნდა გაერკევს. ხოლო თუ ვერ ერკვევა უნდა დაიქირავოს ბანკი ან სპეციალისტი ვინც ამაში ერკვევა და რჩევა უნდა მიიღოს“, – აღნიშნა ყოფილმა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება