ლიტერატურის დარგში ვაჟა-ფშაველას სახელობის პრემია და ფულადი ჯილდო დაწესდა.

ამის შესახებ პრემიერ-მინისტრმა ირაკლი ღარიბაშვილმა ჩარგალში, ვაჟაობის სახალხო ზეიმზე განაცხადა.

ვაჟა-ფშაველას სახელობის პრემია - ოქროს მედალი და ფულადი ჯილდო 10 000 ლარის ოდენობით, ორ წელიწადში ერთხელ გაიცემა.

პრემიერის თქმით, უკვე შექმნილია ლიტერატურის დარგში ვაჟა-ფშაველას სახელობის პრემიის მინიჭების საკითხების განმხილველი კომისია, რომელიც პრემიის მინიჭების პროცესს წარმართავს. „მჯერა, რომ ერი, რომელმაც ასეთი შვილი გაზარდა, იმ ღირებულებებით, იმ სულიერი სიმაღლით, რაც ვაჟა-ფშაველას ჰქონდა, აუცილებლად გადალახავს ყველა სირთულეს, აუცილებლად მოიპოვებს წარმატებას, გამარჯვებას და მიაღწევს საერთო ქართულ მიზანს - ჩვენი ქვეყნისა და ერის გამთლიანებას. ვაჟა-ფშაველა თავად იყო ერთ-ერთი ყველაზე პროგრესულად და ევროპულად მოაზროვნე კაცი და მისი მაგალითიც საკმარისია იმის დასამტკიცებლად, რომ ჩვენ საერთო ღირებულებები და მისწრაფებები გვაქვს. წელს ვაჟა-ფშაველას გარდაცვალებიდან 100 წლის თავს აღვნიშნავთ და დარწმუნებული ვარ, რომ მომავალი თაობები გააგრძელებენ ამ შესანიშნავ ტრადიციას და შემოუნახავენ ჩვენს მომავალ თაობას ვაჟას გენიალურ შემოქმედებას", - განაცხადა ირაკლი ღარიბაშვილმა. წელს ვაჟა-ფშაველას გარდაცვალებიდან 100 წელი შესრულდა. ჩარგალში ვაჟაობის სახალხო ზეიმი ტრადიციულად, კონცერტით, სპორტული ღონისძიებებითა და ხალხური რეწვის ნიმუშების გამოფენით აღინიშნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“