მიხეილ სააკაშვილი გახმაურებულ მკვლელობებს ბიძინა ივანიშვილს უკავშირებს. ამის შესახებ მან საკუთარ სასამართლო პროცესზე ისაუბრა. მესამე პრეზიდენტის თქმით, პირველი მსხვერპლი ბარბარე რაფალიანცი იყო, რომელიც რუსული სპეცსამსახურების შეკვეთით მოკლეს, რომელიც საქართველოში არჩევნებზე ივანიშვილის დასახმარებლად იყო ჩამოსული. ჩვენ საქმე გვაქვს მკვლელების კორპორაციასთან. მათი პირველი რიტუალური მსხვერპლი იყო 8 თვის ბარბარე რაფალიანცი. მაშინ, რუსეთიდან 5 კაციანი სპეცჯგუფი იყო ჩამოსული ეფ ეს ბესი არჩევნებზე დასახმარებლად ივანიშვილისთვის და ამ ჯგუფმა შესთავაზა ორი ვარიანტი ივანიშვილის კარს - ან ივანიშვილზე თავდასხმის ინსცენირება, ან რომელიმე აქტივისტის მოკვლა. რა თქმა უნდა, თავდასხმის ინსცენირებაზე ითქვა უარი და შემდეგ ამას მოჰყვა ბარბარე რაფალიანცის რიტუალური მსხვერპლშეწირვა. რუსული სპეცოპერაციის ნაწილი იყო ის, რაც მოხდა ბარბარე რაფალიანცის თავს და ესენი მოვიდნენ ბარბარე რაფალიანცის, 8 თვის ჩვილის სისხლით ხელისუფლებაში სხდომაზე მიხეილ სააკაშვილმა ეროსი კიწმარიშვილზეც ისაუბრა და მის მკვლელობაში პასუხისმგებლობა პირდაპირ ბიძინა ივანიშვილს დააკისრა. მისი თქმით, ივანიშვილს რუსთავი 2-ის ხელში ჩაგდება ძალიან უნდოდა, ამიტომ კიწმარიშვილი მოიშორა. შემდეგი შეკვეთილი მკვლელობა იყო ეროსი კიწმარიშვილის მკვლელობა. ივანიშვილს სასიცოცხლოდ უნდოდა რუსთავი 2 -ის ხელშ ჩაგდება. ეროსი კიწმარიშვილი, რომელიც იყო ყოფილი მფლობელი და დამფუძნებელი, მისთვის ძალიან დიდ საფრთხეს წარმოადგენდა. იმ დროს ჩამოვიდა კიდევ ერთი ჯგუფი რუსეთიდან, როგორც ვიცით, კამერა დაატრიალეს, ეროსი მოკლეს და ის, ვინც გაიძახოდა, რომ ეროსი მოკლეს, ან მოსყიდვით ან დაშინებით გააჩუმეს. ეს იყო ერთმნიშვნელოვნად შეკვეთილი მკვლელობა. და, მე ვაკისრებ პასუხისმგებლობას ეროსი კიწმარიშვილის მკვლელობისთვის პირადად ივანიშვილს. შემდეგი მკვლელობა იყო თამარ ბაჩალიაშვილის. ძალიან ცხელი თემა იყო, როგორ ტარდებოდა სპეცოპერაცია და ვითომ თავი მოიკლა, - თქვა სააკაშვილმა.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება