საქართველოს თავდაცვის მინისტრის პირველი მოადგილე, გოჩა რატიანი სამუშაო ვიზიტით საფრანგეთის რესპუბლიკაში იმყოფებოდა. 

საქართველოს თავდაცვის სამინისტროს ინფორმაციით, ორდღიანი ვიზიტის ფარგლებში, მინისტრის მოადგილემ და საქართველოს შეიარაღებული ძალების გენერალური შტაბის უფროსის მოადგილემ, პოლკოვნიკმა რომან ჯოხაძემ საფრანგეთის რესპუბლიკის თავდაცვის სამინისტროსა და გენერალური შტაბის ხელმძღვანელ პირებთან შეხვედრები გამართეს.

შეხვედრებზე მხარეებმა საქართველოსა და საფრანგეთის თავდაცვის უწყებებს შორის ორმხრივი თანამშრომლობის მნიშვნელობაზე ისაუბრეს და თავდაცვის სფეროში თანამშრომლობის გაღრმავების საკითხები განიხილეს. ფრანგულმა მხარემ ქართველ სტუმრებს ცენტრალური აფრიკის რესპუბლიკაში სამშვიდობო მისიაში მონაწილეობისთვის მადლობა გადაუხადა და ყურადღება  ქართველი სამხედრო მოსამსახურეების პროფესიონალიზმზე გაამახვილა.

შეხვედრების ერთ-ერთი მთავარი საკითხი საქართველოს ევროატლანტიკურ სტრუქტურებში ინტეგრაცია იყო.

„ვისაუბრეთ თანამშრომლობის სამომავლო პერსპექტივებზე. იმედს გამოვთქვამ, რომ მომავალში გვექნება პროდუქტიული და წარმატებული ურთიერთობები, ვინაიდან ფრანგული მხარის თქმით, მათ აქვთ ძალიან დიდი ინტერესი, რათა ჩვენი ურთიერთობები გახდეს უფრო ეფექტური. ასევე, განვიხილეთ საქართველოს თავდაცვის მინისტრის საფრანგეთში დაგეგმილი ვიზიტის დეტალები“, - განაცხადა გოჩა რატიანმა.

ვიზიტის ფარგლებში, საქართველოს თავდაცვის უწყების წარმომადგენლები საფრანგეთის თავდაცვისა და ეროვნული უსაფრთხოების გენერალური სამდივნოს გენერალურ მდივან, ლუის გოტიესაც შეხვდნენ, სადაც  მსოფლიოში არსებული მნიშვნელოვანი გამოწვევები და რეგიონული უსაფრთხოების საკითხები განიხილეს.

„საფრანგეთის ომის უმაღლესი სკოლის“ რექტორთან, გენერალ იუბერ დე რევიე დე მონისთან შეხვედრაზე საუბარი სამხედრო განათლების კუთხით პარტნიორობას შეეხო. მხარეებმა სამხედრო განათლების სფეროში გამოცდილების გაზიარებაზე ისაუბრეს. „საფრანგეთის ომის უმაღლესი სკოლის“ ხელმძღვანელმა პირებმა საქართველოს ამ მიმართულებით მხარდაჭერა აღუთქვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი