|
2016-07-08 14:28:10, 690 ნახვა
სამხედრო
ვახტანგ კაპანაძე ოფიციალური ვიზიტით უკრაინაში იმყოფებოდა
საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე ოფიციალური ვიზიტით უკრაინაში იმყოფებოდა. სამდღიანი ვიზიტის ფარგლებში გენერალ-მაიორი უკრაინელ კოლეგას შეხვდა. თავდაცვის სამინისტროს პრესსამსხახურის ინფორმაციით, უკრაინის არმიის გენერალ ვიქტორ მუჟენკოსთან შეხვედრაზე მხარეებმა ორმხრივი თანამშრომლობის საკითხები და სამომავლო გეგმები განიხილეს. ყურადღება გამახვილდა ფართომასშტაბიანი ერთობლივი სწავლებების ჩატარებასა და საგანმანათლებლო სფეროში თანამშრომლობის საკითხებზე. საუბრის ერთ-ერთი თემა დაჭრილი უკრაინელი სამხედრო მოსამსახურეების რეაბილიტაცია იყო. უკრაინისა და საქართველოს თავდაცვის სამინისტროებს შორის გაფორმებული მემორანდუმის საფუძველზე, საქართველოში ფსიქოლოგიური რეაბილიტაციის კურსი 34-მა უკრაინელმა სამხედრომ გაიარა. საქართველოს შეიარაღებული ძალების გენერალური შტაბის უფროსს უკრაინის თავდაცვის მინისტრმა, გენერალმა სტეფან პოლტორაკმაც უმასპინძლა. შეხვედრაზე გენერლებმა საქართველოსა და უკრაინას შორის თავდაცვის სფეროში თანამშრომლობის გაღრმავების გზები განიხილეს. ასევე ისაუბრეს რეგიონში არსებულ უსაფრთხოების გამოწვევებზე. უკრაინის თავდაცვის მინისტრმა გენერალ-მაიორი ვახტანგ კაპანაძე 24 აგვისტოს, დამოუკიდებლობის დღისადმი მიძღვნილ აღლუმზე მიიწვია. ოფიციალური შეხვედრების დასრულების შემდეგ საქართველოს შეიარაღებული ძალების გენერალური შტაბის უფროსმა გვირგვინით შეამკო უცნობი ჯარისკაცის საფლავი, ასევე, ესტუმრა ეროვნულ თავდაცვის უნივერსიტეტსა და ჟიტომირის სამხედრო ინსტიტუტს. კიევის შემდეგ გენერალ-მაიორი კაპანაძე ლვოვს ესტუმრა, სადაც სამხედრო სწავლებას „Rapid Trident 2016“ -ის მიმდინარეობას გაეცნო. გამოჩენილ ვიზიტორთა დღეს, სპეციალურად მოწვეული სტუმრებისთვის, საჩვენებელი სწავლება გაიმართა. სწავლებაში 13 ქვეყნის (უკრაინა, აშშ, კანადა, გაერთიანებული სამეფო, ბულგარეთი, ლიტვა, თურქეთი, რუმინეთი, საქართველო, მოლდოვა, პოლონეთი, ნორვეგია და შვედეთი) 1800-ზე მეტი, მათ შორის 8 ქართველი სამხედრო მოსამსახურე მონაწილეობს. ლვოვში ვიზიტისას საქართველოს შეიარაღებული ძალების გენერალური შტაბის უფროსი სახმელეთო აკადემიასაც ესტუმრა, სადაც აკადემიის რექტორმა უმასპინძლა.
მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო
პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული
შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა
სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ვმობ ძალადობას… დებატები „ქოცი, რუსი, აკაცუკი, ნაცის“ ძახილით არ უნდა სრულდებოდეს - ცოტნე ივანიშვილი
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)