აზერბაიჯანის პრეზიდენტის ილჰამ ალიევის განცხადებით, მთიანი ყარაბაღის კონფლიქტის დარეგულირებისთვის პირველ რიგში სომხურმა ჯარმა ოკუპირებული ტერიტორიები უნდა დატოვოს.

როგორც ალიევმა აღნიშნა, რეგიონში მშვიდობა მას შემდეგ დაისადგურებს, რაც აზერბაიჯანის მოქალაქეები თავიანთ მიწაზე დაბრუნდებიან.

„აზერბაიჯანი თავის ტერიტორიებს იცავს. ჩვენ სხვის მიწებს არ ვითხოვთ, მაგრამ არც ჩვენსას დავთმობთ. არავის არ მივცემთ, იმის უფლებას, რომ აზერბაიჯანულ მიწაზე მეორე სომხური სახელმწიფო ჩამოყალიბდეს. ბევრჯერ ვთქვით, რომ კონფლიქტი პოლიტიკური და მშვიდობიანი გზით უნდა მოგვარდეს. ეს პოზიცია უცვლელია. იმედს ვიტოვებთ, რომ ეს ასეც მოხდება“, - განაცხადა ალიევმა.

შეგახსენებთ, რომ მთიან ყარაბაღში ვითარება 2 აპრილს დაიძაბა. წინასწარი ინფორმაციით, საბრძოლო მოქმედებებს 33 სამხედრო პირი ემსხვერპლა. ადგილობრივი მედია საშუალებები დღეს კიდევ 10 ჯარისკაცის გარდაცვალების შესახებ იტყობინებიან. მათივე ცნობით, მხარეებმა ერთმანეთს დაღუპულთა ცხედრები გადასცეს. გარდაცვლილების იდენტიფიცირება და აღრიცხვა ამ დრომდე მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი