უკრაინის პრეზიდენტი ვოლოდიმირ ზელენსკი თეთრ სახლში აშშ-ის პრეზიდენტ დონალდ ტრამპთან შესახვედრად ჩავიდა.

ტრამპი მას დასავლეთ ფრთის შესასვლელთან დახვდა, სადაც პრეზიდენტის ადმინისტრაციაა განთავსებული.

ევროპელი ლიდერები - ევროკომისიის პრეზიდენტი ურსულა ფონ დერ ლაიენი, საფრანგეთის პრეზიდენტი ემანუელ მაკრონი, გერმანიის კანცლერი ფრიდრიხ მერცი, ბრიტანეთის პრემიერ-მინისტრი კირ სტარმერი, იტალიის პრემიერ-მინისტრი ჯორჯო მელონი და ფინეთის პრეზიდენტი ალექსანდრ სტუბი - და ნატოს გენერალური მდივანი მარკ რუტე თეთრ სახლში ადრე ჩავიდნენ.

ჯერ ზელენსკი და ტრამპი შეხვდებიან, შემდეგ კი ევროპელი ლიდერები და რუტე შეუერთდებიან მათ.

შეხვედრაზე ზელენსკის შეუერთდებიან პრეზიდენტის ადმინისტრაციის ხელმძღვანელი ანდრეი იერმაკი და უკრაინის ეროვნული უსაფრთხოებისა და თავდაცვის საბჭოს მდივანი რუსტემ უმეროვი. აშშ-ის მხრიდან, ტრამპის გარდა, მონაწილეობას მიიღებენ ვიცე-პრეზიდენტი ჯ.დ. ვენსი, სახელმწიფო მდივანი მარკო რუბიო, სპეციალური წარმომადგენლები სტივ ვიტკოფი და კიტ კელოგი, ასევე თეთრი სახლის ადმინისტრაციის უფროსი სიუზან უაილსი.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს