2016-02-17 23:42:21, 1154 ნახვა
მსოფლიო
თურქეთში ავტომობილის აფეთქების შედეგად დაღუპულთა რიცხვი 28-მდე გაიზარდა, დაშავებულია 61-ზე მეტი ადამიანი
თურქეთში ავტომობილის აფეთქების შედეგად დაღუპულთა რიცხვი 28-მდე გაიზარდა, დაშავებულია 61-ზე მეტი ადამიანი. ინფორამაციას ''ბიბისი'' ავრცელებს.
ძლიერი აფეთქება თურქეთის დედაქალაქ ანკარაში თბილისი დროით საღამოს 10 საათისთვის მოხდა.
გავრცელებული ცნობით, ანკარის ცენტრში, გენერალურ შტაბთან ახლოს დანაღმული ავტომობილი აფეთქდა. იმ დროს შენობასთან სამხედროებით სავსე ორი ავტობუსი იდგა და ორივეს ცეცხლი გაუჩნდა.
ქვეყნის პრემიერ-მინისტრმა მომხდარს ტერორისტულია აქტი უწოდა.
ამ დროისთვის ადგილზე მობილიზებულია სახანძრო და სამაშველო სამსახურები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
