აშშ-ის პრეზიდენტმა დონალდ ტრამპმა გამოაცხადა სამხრეთ კორეიდან შემოტანილ საქონელზე ტარიფების 15%-დან 25%-მდე გაზრდის შესახებ.

შეტყობინებას ტრამპი Truth Social-ზე, წერს, იუწყება CNN

„ჩვენი სავაჭრო შეთანხმებები ძალიან მნიშვნელოვანია ამერიკისთვის. თითოეულ ამ შეთანხმებაში ჩვენ სწრაფად ვიმოქმედეთ ტარიფების შესამცირებლად შეთანხმების შესაბამისად. ჩვენ, რა თქმა უნდა, ველით, რომ ჩვენი სავაჭრო პარტნიორებიც იგივეს გააკეთებენ.

სამხრეთ კორეის პარლამენტი არ იცავს შეერთებულ შტატებთან დადებულ შეთანხმებას. პრეზიდენტ ლიმ და მე 2025 წლის 30 ივლისს ორივე ქვეყნისთვის შესანიშნავ შეთანხმებას მივაღწიეთ და ეს პირობები კიდევ ერთხელ დავადასტურეთ კორეაში ჩემი ვიზიტის დროს 2025 წლის 29 ოქტომბერს. რატომ არ დაამტკიცა ეს კორეის პარლამენტმა ჯერ?“

კერძოდ, ახალი ტარიფები სამხრეთ კორეის ავტომობილებს, ხე-ტყეს, ფარმაცევტულ პროდუქტებს და ნებისმიერ სხვა ურთიერთვაჭრობის პროდუქტს ეხება.

CNN-ის ცნობით, სამხრეთ კორეა შეერთებული შტატებისთვის უცხოური საქონლის ერთ-ერთი მთავარი მიმწოდებელია. 2024 წელს ქვეყანამ შეერთებულ შტატებში 132 მილიარდი დოლარის ღირებულების საქონელი გაიგზავნა (აშშ-ის ვაჭრობის დეპარტამენტის მონაცემებით).

შეერთებული შტატები, ძირითადად, სამხრეთ კორეიდან ავტომობილებს, ავტონაწილებს, ნახევარგამტარებსა და ელექტრონიკას იმპორტს ახორციელებს და მიმდინარე ტარიფების ზრდამ შესაძლოა ეს საქონელი უფრო ძვირი გახადოს.

ტრამპმა არ დააკონკრეტა, თუ ზუსტად როდის ამოქმედდება ახალი ტარიფები.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი