„მე მგონი შეცვალეს თავისი ჩანაფიქრი, ახლა  ევროპულ ქვეყნებში აპირებენ ჯაჭვის გაკეთებას“, - ამის შესახებ ენერგეტიკის მინისტრმა კახი კალაძემ "ნაციონალური მოძრაობის" მიერ 6 მარტს, "გაზპრომის" წინააღმდეგ დაგეგმილ აქციასთან დაკავშირებით განაცხადა.

„მემგონი, შეცვალეს თავისი ჩანაფიქრი, ახლა  ევროპულ ქვეყნებში გადავიდნენ, რადგან თქვენ იცით, რომ ევროპას ძირითადად „გაზპრომი“ ამარაგებს  და „ნაციონალურმა  მოძრაობამ“ გააკეთა მობილიზაცია მთელი საქართველოს მასშტაბით და ისინი აპირებენ ევროპულ ქვეყნებში ჯაჭვის გაკეთებას“, - განაცხადა კახა კალაძემ.

ცნობისთვის, საქართველო „გაზპრომთან“  წლების განმავლობაში არსებული  კონტრაქტის პირობებში რჩება, რაც ნედლეულის სახით 10 %  ბუნებრივი აირის მიღებას გულისხმობს.

ამის შესახებ საქართველოს ენერგეტიკის მინისტრმა კახა კალაძემ მთავრობის ადმინისტრაციაში  „სოკარის“ პრეზიდენტ როვნაგ აბდულაევთან ერთად გამართულ პრესკონფერენციაზე განაცხადა.

„რაც შეეხება „გაზპრომთან“ მიმდინარე მოლაპარაკებას, შემიძლია გითხრათ, რომ მოლაპარაკებები ჯერ არ არის დასრულებული. ხელშეკრულება არ არის გაფორმებული. ჩვენ რამოდენიმე ხნის წინ გადავუგზავნეთ  ბოლო ჩვენი შეთავაზება, გაგაცნობთ შეთავაზების პირობებს, რომელიც იქნა ქართული მხარისგან  გაჟღერებული, ეს არის - დავრჩეთ ისევ იმ ძველი კონტრაქტის პირობებში, ანუ ისევ 10% მივიღოთ ნედლეულის სახით ბუნებრივი აირი “, - განაცხადა კალაძემ და დასძინა, რომ "გაზპრომისგან"  დამატებითი მოცულობის ბუნებრივი აირის მიღება  ამ ეტაპზე საჭიროებას არ წარმოადგენს:

„საქართველო  მომავალი წლების განმავლობაში იქნება   უზრუნველყოფილი იმ ბუნებრივი აირით, რაც იქნა დღეს გაჟღერებული. შემუშავებული იქნა სპეციალური ფორმულა, რომლის მიხედვითაც მოხდება ფასების დარეგულირება  იმის მიხედვით, თუ რა ფასები იქნება  ნავთობზე მსოფლიო ბაზარზე და შესაბამისად იქნება წარმოდგენილი ფასები  ჩვენი ქვეყნისთვის“, - განაცხადა კალაძემ.

შეგახსენებთ, ვიცე-პრემიერმა, ენერგეტიკის მინისტრმა კახი კალაძემ და კომპანია „სოკარის“ პრეზიდენტმა როვნაგ აბდულაევმა საქართველოს მთავრობასა და კომპანია „სოკარს“ შორის 2011 წლის დეკემბერში გაფორმებულ მემორანდუმში ცვლილებებს მოაწერეს ხელი.

დღესვე, „ გაზისა და ნავთობის კორპორაციის“ დირექტორმა დავით თვალაბეიშვილმა და შპს „სოკარ გაზ ექსპორტ-იმპორტის“ ხელმძღვანელმა ზაურ გულიევმა ხელი მოაწერეს „ბუნებრივი გაზით მომარაგების შესახებ“ „კორპორაციას“ და შპს „ სოკარ გაზ ექსპორტ-იმპორტს“ შორის დადებულ ხელშეკრულებაში ცვლილებებს. ასეევ ხელი მოეწერა „ბუნებრივი გაზის ყიდვა-გაყიდვის თაობაზე“ „არნსკ“-ს და „კორპორაციას“ შორის 2012 წლის ივლისში გაფორმებულ ხელშეკრულებაში ცვლილებებს.

„ცვლილებების თანახმად, საქართველო აზერბაიჯანიდან დამატებით 500 მილიონ კუბურ მეტრ ბუნებრივ აირს მიიღებს. ამასთან, შემცირდება „სოკარიდან“ შესასყიდი სოციალური გაზის ფასი, რაც ნაწილობრივ ამცირებს ეროვნული ვალუტის უცხოურ ვალუტასთან გამყარების შედეგად გამოწვეულ ფინანსურ ზარალს.

საქართველო ბუნებრივი აირის დამეტებით მოცულობებს სამხრეთ კავკასიური მილსადენიდან მიიღებს და წინა წლების მსგავსად, აღარ დადგება ტექნიკური შეზღუდვების გამო აზერბაიჯანიდან მოცულობების მიღების პრობლემა.

გარდა ამისა, სოკარი მზადყოფნას გამოთქვამს, 1000 კუბ.მ-ზე 35-40 აშშ დოლარით შეამციროს გაზგასამართი სადგურებისთვის კომერციული გაზის ფასი. 2012 წელთან შედარებით, საქართველოში ბუნებრივი აირის მოხმარება თითქმის 40%-ით არის გაზრდილი, რამაც განაპირობა ბუნებრივი აირის მოცულობების დამატებით მიღების აუცილებლობა“, - აცხადებენ საქართველოს ენერგეტიკის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული