პარტია „ქართული ოცნების“ დამფუძნებელმა და საპატიო თავმჯდომარემ, ბიძინა ივანიშვილმა, აზერბაიჯანის პრეზიდენტი ილჰამ ალიევი და აზერბაიჯანის დელეგაცია ბიზნეს ცენტრში მიიღო.

პარტიის პრესსამსახურის ცნობით, ივანიშვილმა ალიევს საქართველოში ნაყოფიერი ვიზიტისთვის მადლობა გადაუხადა და ხაზი გაუსვა, რომ საქართველოსა და აზერბაიჯანს შორის მეგობრული ურთიერთობები უმაღლეს დონეზეა, რაც ორივე ქვეყნისთვის სასარგებლო და ორმხრივად მომგებიანია.

მან აღნიშნა ორ ქვეყანას შორის ღრმა და ყოვლისმომცველი ეკონომიკური კავშირების მნიშვნელობა, სატრანსპორტო დერეფნის მაქსიმალურად გამოყენების პოტენციალი და ხაზი გაუსვა, რომ მჭიდრო პარტნიორობა, ზოგადად, ემსახურება როგორც საქართველოს, ასევე აზერბაიჯანის ეროვნულ ინტერესებს.

ბიძინა ივანიშვილმა ასევე მადლობა გადაუხადა ილჰამ ალიევს სამხრეთ კავკასიის რეგიონში მშვიდობიანი და სტაბილური ვითარების მხარდაჭერისთვის და აღნიშნა, რომ უსაფრთხოების გამოწვევებით სავსე ვითარებაში, ორივე ქვეყნის პოლიტიკურმა ლიდერებმა ყველა ღონე უნდა მიმართონ მშვიდობისა და ეკონომიკური განვითარების შესანარჩუნებლად.

შეხვედრაზე განიხილეს ენერგეტიკის სექტორში მჭიდრო პარტნიორობა და საქართველო-აზერბაიჯანის მიერ ერთობლივად განხორციელებული სატრანსპორტო და ენერგეტიკული პროექტები. აღინიშნა ბაქო-თბილისი-ყარსის რკინიგზის სტრატეგიული მნიშვნელობა რეგიონული კავშირისთვის. ივანიშვილმა ხაზგასმით აღნიშნა, რომ საქართველო კვლავ ღიაა აზერბაიჯანული ინვესტიციებისთვის, რომლებიც ბოლო წლებში სწრაფად იზრდება.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული