აჭარის ა/რ მთავრობის თავმჯდომარის არჩილ ხაბაძის განკარგულებით და შერეული სამთავრობო კომისიის რეკომენდაციით, 6 ეკომიგრანტ ოჯახს, სიმბოლურ ფასად - 1 ლარად, თამარის დასახლებაში არსებულ სოციალურ სახლში 6 ბინა საკუთრებაში გადაეცა.

აჭარის ჯანდაცვის სამინისტროს ინფორმაციით, აღნიშნული ოჯახები სტიქიის შედეგად სხვადასხვა დროს დაზარალდნენ.

ბინები ლოტოტრონის პრინციპით გადანაწილდა. პროცედურას აჭარის ჯანდაცვის სამინისტროს, აჭარის ფინანსთა და ეკონომიკის სამინისტროს და სტიქიის შედეგად დაზარალებული ოჯახების წარმომადგენლები ესწრებოდნენ.

ცნობისთვის, 2013-2015 წწ აჭარის მთავრობამ საცხოვრებელი ფართები საკუთრებაში სტიქით დაზარალებულ 243 ოჯახს გადასცა.

2016 წელს, აჭარის ჯანდაცვის სამინისტროში ამოქმედდა ,,ეკომიგრანთა საცხოვრებლით უზრუნველყოფის” პროგრამა, რომლის ფარგლებში ეკომიგრანტი ოჯახებისათვის დაგეგმილია 115 საცხოვრებელი სახლის შეძენა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა