ენერგეტიკის მინისტრის კახი კალაძის ინფორმაციით, „სოკართან“ მოლაპარაკება მიმდინარეობს, რათა ამ ეტაპზე გაზის გაძვირება არ მოხდეს.

მინისტრის თქმით, პირველ მარტამდე გახდება ცნობილი, რამდენი ხნით გადავადდება გაზის საფასურის ზრდა.

„გაზის გაძვირებასთან დაკავშირებით საუბარი, მხოლოდ კომერციული ობიექტებისთვის იყო, გარდა პურის საცხობებისა, ეს კი ლარის კურსის ცვალებადობიდან გამომდინარეობდა. ყველაზე სერიოზული პრობლემები „ყაზტრანსგაზსს“ შეექმნა და ასევე თბილისში არსებულ ლიცენზიის მქონე კომპანიებს, რომლებიც დედაქალაქის მოსახლეობას ბუნებრივი აირით ამარაგებს. შესაბამისად მათ გააკეთეს განაცხადი, რომ კურსის ცვალებადობიდან გამომდინარე აუცილებელი იყო კომერციულ ობიექტებზე მომხდარიყო ფასის ზრდა, თუმცა მოხდა „სოკართან“ საუბრის დაწყება და ჩვენ განვიხილავთ გამოინახება თუ არა რაიმე შესაძლებლობა, რომ ამ ეტაპზე „სოკარის“  დახმარებით გაზის გაძვირება არ მოხდეს“, - განაცხადა კალაძემ.

მისივე თქმით, ეროვნული ვალუტის გაუფასურებიდან გამომდინარე, სერიოზული პრობლემები შეექმნათ ასევე თბოელექტროსადგურებს, რადგან ისინი ელექტროენერგიას ბუნებრივი აირით გამოიმუშავებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება