დიდი ბრიტანეთის სასამართლო პრაქტიკისთვის უიშვიათესი შემთხვევა მოხდა-ქვეყნის დედოფალმა ელისაბედ II სამუდამო პატიმრობის განაჩენის მქონე მოქალაქე ჩადენილი გმირობისთვის შეიწყალა. 
ბრიტანეთის პარლამენტის თხოვნით, დედოფალმა ექსკლუზიური უფლება გამოიყენა და პირი, რომელსაც ძალიან სერიოზული დანაშაულის გამო სამუდამო პატიმრობა ჰქონდა მისჯილი, ციხიდან ძალიან მალე გამოვა. 
42 წლის სტივენ გალანტმა 2005 წელს პაბში ჩხუბის დროს მამაკაცი მოკლა. 2005-წელსვე ბრიტანეთის სასამართლომ მამაკაცს გამამტყუნებელი განაჩენი გამოუტანა-მას  სამუდამო პატიმრობა მიესაჯა.
სტივენი ძალზედ მშვიდი და გაწონასწორებული პატიმარი იყო, რეაბილიტაციის პროგრამებს გადიოდა და ციხეში ფსიქიატრთან მუშაობდა. 
სტივენს სამუდამო პატიმრობა ელოდა, მაგრამ ერთმა შემთხვევამ მისი ცხოვრება კარდინალურად შეცვალა.
2019 წლის ბოლოს , შობის დღესასწაულზე, გალანტს გაუმართლა-პატიმარს ლონდონში, სკოლის მეგობრების მონახულების და წვეულებაზე დასწრების შენსი მიეცა. შეხვედრის დროს პატიმარს არც ბორკილები ეკეთა და არც ციხის ტანისამოსი ეცვა-ის სრულიად მშვიდად ატარებდა დროს ბრიტანეთის დედაქალაქის შუაგულში, საშობაო ბაზრობაზე, როცა წვეულების სხვა მონაწილემ უსან ჰანმა დანა აიღო და რამდენიმე ადამიანს ჭრილობა მიაყენა, რის შედეგად 2 მათგანი გარდაიცვალა.
სტივენ განტმა, რომელიც ამ ყველაფერს ხედავდა ერთადერთი იყო, ვინც არ დაიბნა, მან საახალწლო დეკორაციის ნაწილი აიღო და ტერორისტისკენ გაიშურა, დაეწია ,წააქცია და განიარაღა , რამაც პოლიციას ჰანის ლიკვიდაციისთვის საჭირო დრო მისცა. 
გალანტის მიერ ამ დღეს ჩადენილი საქციელი სასამართლომ გმირულად სცნო და ბრიტანეთის პარლამენტს შეწყალების თხოვნით მიმართა.
ბრიტანული მედიის ცნობით ელისაბედ II საქმის დეტალებს გაეცნო, რის შემდეგაც მისმა უდიდებულესობამ "სამეფო შეწყალების პრეროგატივის" გამოყენება გადაწყვიტა. ამ უფლებას ქვეყნის მონარქი უიშვიათესად იყენებს-ბოლოს ის 2013 წელს იმ დროისთვის უკვე გარდაცვლილი ალან ტიურინგი შეიწყალა, რომელსაც 1950-ებში პატიმრობა ჰომოსექსუალობის გამო მიესაჯა.
ბრიტანული მედიის ცნობით გალანტი უკვე თავისუფალ ადამიანად ითვლება-მისი გათავისუფლება უმოკლეს დროში ბიუროკრატიული პროცესების შემდეგ მოცდება.

სტივენ გალანტი

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება