„2016 წელს ეუთოს საპარლამენტო ასამბლეის საგაზაფხულო სესია თბილისში გაიხსნება და ეს იქნება ძალიან მნიშვნელოვანი მოვლენა“,-ამის შესახებ ეუთოს გენერალურმა მდივანმა სპენსერ ოლივიერმა საგარეო საქმეთა მინისტრის მოადგილესთან შეხვედრის დასრულების შემდეგ განაცხადა.
ოლივიერის განცხადებით, შეხვედრაზე საუბარი შეეხო უსაფრთხოების თემებს და რუსეთ-აფხაზეთს შორის გაფორმებულ ე.წ. ხელშეკრულებას.
„შეხვედრა ძალიან საინტერესო იყო. ვისაუბრეთ საქართველოსა და ეუთოს საპარალამენტო  ასამბლეის სამომავლო  ურთიერთობაზე, გარდა ამისა  2016 წელს ეუთოს  საპარლამენტო ასამბელის საგაზაფხულო სესია თბილისში  გაიხსნება, რომელიც ძალიან მნიშვნელოვანი მოვლენა იქნება.“,-განაცხადა ოლივიერმა.
ამასთან, როგორ საგარეო საქმეთა მინისტრის მოადგილემ გიორგი დონდუამ აღნიშნა, შეხვედრაზე, ასევე ძირითადი ყურადღება დაეთმო ოკუპირებულ აფხაზეთსა და რუსეთის ფედერაციას შორის გაფორმებულ ე.წ. ხელშეკრულებას და უსაფრთხოების საკითხებს.
„ძირითადი ყურადღება დაეთმო ოკუპირებულ ტერიტორიაზე მიმდინარე მოვლენებს ე.წ. ხელშეკრულებებს, რომელსაც  უკვე ხელი მოეწერა სოხუმში და ალბათ მოეწერა ხელი ცხინვალში. ვისაუბრეთ ტერიტორიებზე  შექმნილ ჰუმანიტარულ სიტუაციაზე  და იმ როლზე, რომელიც შეიძლება შეასრულოს  ეუთომ“,-განაცხადა დონდუამ.
ცნობისთვის, ეუთოს გენერალური მდივნის სპენსერ ოლივიერის ვიზიტი საქართველოსი 19 იანვარს დასრულდება.
ოფიციალური შეხვედრები გაიმართება, როგორც საქართველოს პრეზიდენტთან ,ასევე პრემიერ-მინისტრთან და პარლამენტის თავმჯდომარესთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა