დაბა განთიადში სახლის ნანგრევებში მოყოლილი პაციენტი ქ. ბათუმის რეფერალურ საავადმყოფოშია მოთავსებული.

აჭარის ჯანდაცვის სამინისტროს ინფორმაციით, ახალგაზრდა მამაკაცს ჩაუტარდა სამედიცინო კვლევები, მათ შორის მაღალტექნოლოგიური. დაშავებულს აღენიშნება დაჟეჟილობა და ლავიწის ძვლის მოტეხილობა, პაციენტი რჩება კლინიკაში.

სტიქიის შედეგად დაშავებული აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ მოინახულა და მის ჯანმრთელობის მდგომარეობას გაეცნო.

„პაციენტი რჩება კლინიკაში და გრძელდება ექიმების მეთვალყურეობა. ამ ეტაპზე დაშავებული არ საჭიროებს ქირურგიულ ჩარევას, თუმცა ექიმები მის ჯანმრთელობას მკაცრად აკონტროლებენ და მდგომარეობის შესაბამისად იმოქმედებენ“, - აღნიშნა ზაალ მიქელაძემ.

დაშავებულის მკურნალობის ხარჯებს სახელმწიფო დაფარავს.

ცნობისთვის, დაბა განთიადში საცხოვრებელი სახლი დღეს დილით ჩამოინგრა. ნგრევის შედეგარ გარდაიცვალა 50 წლის მამაკაცი, ხოლო დაზიანებები მიიღო ოჯახის ორმა წევრმა, ისინი მკურნალობას სამედიცინო დაწესებულებებში გადიან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი