„გუდაურში ყოფნა არ ნიშნავს, რომ კორონავირუსით ინფიცირებულ ჩეხ ტურისტს იქ ვინმე ჩაეხუტა“, - ამის შესახებ დაავადებათა კონტროლის ცენტრის დირექტორის მოადგილემ, პაატა იმნაძემ ბრიფინგზე განცხადა.

იმნაძემ გუდაურში მყოფ სხვა ადამიანებს სიმშვიდისკენ მოუწოდა და ნერვიულობის შემთხვევაში თვითიზოლაციაში ყოფნა ურჩია.

„პირველ რიგში მადლობა იმ ადამიანს, რომელმაც დეტალურად გამოგვიგზავნა მისი საქართველოში მოძრაობის ისტორია თავისი ფოტოსურათებით, რომ ძალაინ გაგვიადვილა საქმიანობა და გამოძიება იმ ადამიანების ვინც იყვნენ მასთან მჭიდრო და ახლო კონტაქტში. რაც შეეხება დანარჩენს, გუდაურში ყოფნა არ ნიშნავს, რომ ამ ადამიანს იქ ვინმე ჩაეხუტა. აქედან გამომდინარე, ჩვენ მოვნახავთ ყველა იმ პირს ვინც არის საჭირო. დანარჩენები იყვნენ მშვიდად და თუ ძალიან ნერვიულობენ დარჩნენ თვითიზოლიაციაში. რაიმე სიმპტომების გამომჟღავნების შემთხვევაში შეუძლიათ მოგვმართონ სამედიცინო სამსახურებს. ჩეხი ტურისტები უკვე არიან ჩეხეთში. როდესაც ამ ადამიანმა დარეკე, მაშინვე მოხდა გადამოწმება იმისა, იყო თუ არა ის კორონავირუსით ინფიცირებული. მის მიერ მოწოდებულ ყველა ინფორმაციაზე მიმდინარეობს მუშაობა და მის ჩეხეთში კონტაქტებზე ვიღებთ ინფორმაციას ჩეხეთის შესაბამისი სამსახურებიდან“, - განაცხადა პაატა იმნაძემ.

შეგახსენებთ, რომ საქართველოში მყოფ ჩეხ ტურისტს კორონავირუსი დაუდასტურდა.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია