ეკა სირაძე-დელონე: ეკლესიაზე თავდასხმის შედეგად საქართველოს მოქალაქეები არ დაშავებულან

2016-07-26 14:18:45, 1084 ნახვა

კომენტარი

საფრანგეთის ქალაქ სენ-ეტიენ დუ რუვრეში, ეკლესიაზე თავდასხმის შედეგად საქართველოს მოქალაქეები არ დაშავებულან.

ამის შესახებ საფრანგეთში საქართველოს საგანაგებო და სრულუფლებიანმა ელჩმა ეკა სირაძე-დელონემ ჟურნალისტებს განუცხადა.

„თავს შევიკავებ წინასწარი დასკვნებისგან. ჯერ ვერ ვიტყვი, რომ ტერორისტული აქტი იყო, რადგან მსგავსი კვლიფიკაცია არ მიუღია. ვიცი, რომ ერთი მღვდელია გარდაცვლილი, მას ყელი გამოჭრეს. კიდევ ერთი ადამიანი არის დაშავებული. სხვა დეტალები ამ ეტაპისთვის ჯერჯერობით არ ვრცელდება. რაც შეეხება საქართველოს მოქალაქეებს, ისინი ქალაქ რუენში ცხოვრობენ, მაგრამ ამ შემთხვევაში არცერთი მათგანი არ დაშავებულა“,-განაცხადა ეკატერინა სირაძე-დელონემ.

ცნობისთვის, საფრანგეთის ქალაქ სენ-ეტიენ დუ რუვრეში, შეიარაღებულმა პირებმა მძევლები აიყვანეს. თავდამსხმელებმა ერთ-ერთი მძევალი, რომელიც სასულიერო პირი იყო, მოკლეს. სამართალდამცველებმ ორივე თავდამსხმელის ლიკვიდაცია მოახდინეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან