2015-02-27 10:31:39, 821 ნახვა
სამართალი
რუსთავის ბაზრობაზე მოქალაქეებმა ყალბი ფულით ავტომობილი შეიძინეს
ფინანსთა სამინისტროს საგამოძიებო სამსახურმა ყალბი ფულის გასაღების ფაქტზე სამი პირი - რუიალ ისაევი, ზამინ ბაირამოვი და შირხან ნამაზოვი დააკავა.
საგამოძიებო სამსახურის ინფორმაციით, ბრალდებულებმა საქართველოში შემოიტანეს და რუსთავში მდებარე ავტობაზრობაზე მოქალაქეზე ყალბი 1500 აშშ დოლარი გაასაღეს.
მათივე ცნობით, ყალბი კუპიურები დაკავებულებმა ერთ-ერთ მოქალაქეს გადასცეს ავტომობილის საფასურის სანაცვლოდ.
საგამოძიებო სამსახურში აცხადებენ, რომ გამოძიება სისხლის სამართლის კოდექსისი 212-ე მუხლის პირველი ნაწილით მიმდინარეობს რაც თავისუფლების აღკვეთას ოთხიდან შვიდ წლამდე ვადით ითვალისწინებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
